تۆرکیه یؤنهکی یورتداشلاری نیشان آلان هر حیلی هۆجۆمه قارشیدیر
تۆرکیأنینگ داشاری ایشلر وزیرلیگی، عیراغینگ دهوک ولایاتینداقی زاهو شهرینده بیر یره قورالان هۆجۆم باراسیندا بیانات بردی
تۆرکیه یؤنهکی یورتداشلاری نیشان آلان هر حیلی هۆجۆمه قارشی بوُلاندیغینی بیلدیردی.
تۆرکیأنینگ داشاری ایشلر وزیرلیگی، عیراغینگ دهوک ولایاتینداقی زاهو شهرینده بیر یره قورالان هۆجۆم باراسیندا بیانات بردی.
شوُل هۆجۆمده 8 آدام آرادان چیقیپدی، 23 آدام یارالانیپدی.
بیاناتدا "بو قینانچ واقادا آرادان چیقانلارا الله دان رحمت ایسله یأریس، یاقینلارینا و دوُست و دوُغان عیراق حالقینا و حؤکۆمتینه قینانچ بیلدیریأریس و یارالیلارا اینگ چالت یاغدایدا شیپا آرزوو ادیأریس
تۆرکیه، یؤنهکی و یاراغسیز یورتداشلاری نیشان آلان هر حیلی هۆجۆملره قارشیدیر. تۆرکیه ترورچیلیق بیلن گؤرهشینده حالقارا حقوغا باپ گلن یاغدایدا، آسودا ایلاتینگ، اساسی قورلوشیقلارینگ، تاریحی و مدنی بایلیقلار و طبیغاتینگ قوُرالماغینا اؤرأن اۆنسلیدیر
گۆنأسیز آداملاری نیشان آلان و ترور قوراماسیندان چشمهلهنن مونونگ یالی هۆجۆملر بیلن یوردومیزینگ ترورچیلیق بیلن گؤرهشیندأکی حاقلی و توتان یرلی توتومینی هدِپ آلیندیغی گؤرۆلیأر
تۆرکیه حاقیقاتینگ بِللی بوُلماغی اۆچین هر جیلی ایش آلیپ بارماغا طایاردیر"
بیله کی تاراپدان حوُوپسوزلیق چشمه لری بو هۆجۆمینگ ترورچیلار تاراپیندان قورالاندیغینی بیلدیردی.
آیرالیقچی ترور قوراماسی پ. ک. ک/ ک. ج. ک نینگ گۆنأسیز یورتداشلاری اوراندیغی، حالقینگ اوُبا و یرلرینه گیدیپ بیلمه یأندیگی حابار بریلدی.
دِگیشلی حابارلار
تۆرکیه بیلن فلسطین ینگ آراسیندا ایکی ایلالاشیق قابول ادیلدی
تۆرکیأنینگ بیک میللت مجلیسینده تۆرکیه بیلن فلسطین ینگ آراسیندا قوُل چکیلن ایلالاشیقلار قابول ادیلدی
تۆرکیه ترورچیلیق بیلن گؤرهشه دوُوام ادیأر
11 ولایاتدا ترورچیلار تاراپیندان قوللانیلیان 92 قوُواق و هین یوُق ادیلدی