ایتالیانینگ باش وزیری تۆرکیأنینگ یوُلباشچیسی بیلن دوشوشدی

تۆرکیأنینگ جمهورباشلیغی رجب طیب أردوُغان قارادنگیزده غاللا کریدوری باراسیندا "ایشلریمیزی چالتلاشدیریپ بیر هپده- 10 گۆن ایچرسینده بو مسئلأنی نتیجأ قوُوشوراریس" دیدی.

أردوُغان رسمی ساپار بیلن آنکارادا بوُلان ایتالیانینگ باش وزیری ماریو دراگوی بیلن آنکاراداقی جمهورباشلیقلیق کؤشگۆنده دوشوشیق گچیردی.

اؤزآرا دوشوشیقدان سوُنگرا حؤکۆمت آرا ماصلاحات گچیریلدی.

ایلالاشیق شرطنامالارینا قوُل چکیلندن سوُنگ مطبوغات ییغناغی گچیریلدی.

ماریو دراگی بیلن حیذماتداشلیق مۆمکینچیلیکلری بارادا دوروپ گچندیکلرینی نیغتان تۆرکیأنینگ جمهورباشلیغی،

"ایکی آق دنگیز یوردی حؤکمۆنده هم بؤلگه آرا هم گلوبال مسئله لر حاقیندا گنگه شدیک. ایقدیصادی و سؤودا قاتناشیقلاریمیز گۆن سایین یوُقارلایار. قاتناشیقلاریمیزی دۆزگۆنه گتیرجک 9 ایلالاشیق شرطناماسینا قوُل چکدیک. کووید یوُقانچ کسلی نینگ دؤورۆنه قارامازدان، سؤودا موقداریمیز اؤتن ییل 34 گؤتریم یوُقارلادی و 23 میلیارد دلارینگ اۆستۆنه چیقیپ رکورد قوُیدی. اؤزآرا سؤودامیزینگ حأصیتی دنگ آغراملی بوُلماغیدیر. شو ییل بو موقدار آنگسات یاغدایدا 25 میلیارد دلارا یتیپ بیلر" دیدی.

تۆرک یوُلباشچی قارادنگیز کریدوری نینگ أؤرأن أهمیتلی بوُلاندیغینی نیغتادی و غاللا مسئله سی باراسیندا روسیا و اوکراینانینگ یوُلباشچیلاری بیلن دوشوشیق گچیریأندیگینی آیتدی.

ایتالیانینگ باش وزیری ماریو دراگی دا قارادنگیزده غاللا کریدوری نینگ آچیلماغی اۆچین آنکارانینگ آلیپ باریان ایشلری نینگ أهمیتلی بوُلاندیغینی آیتدی.