أردوُغان بایدن بیلن دوشوشدی
مادرید شهرینده گچیریلیأن ناتو ماصلاحاتینا قاتناشان تۆرکیه بیلن آمریکانینگ یوُلباشچیلاری دوشوشیق گچیردی
تۆرکیأنینگ جمهورباشلیغی رجب طیب أردوُغان ناتو قوراماسی نینگ یوُلباشچیلاری نینگ ماصلاحاتیندا آمریکانینگ جمهورباشلیغی جو بایدن بیلن دوشوشیق گچیردی.
اسپانیانینگ مادرید شهرینده مطبوغاتا یاپیق یاغدایدا گچیریلن ماصلاحات 1 ساغات دوُوام اتدی.
بو دوشوشیقدا أردوُغان-ی داشاری ایشلر وزیری مولود چاووش اوُغلی، میللی قوُرانماق وزیری خلوصی آقار، جمهورباشلیقلیغینگ آراقاتناشیق اداراسی نینگ باشلیغی فخرالدین آلتون، مطبوغات گنگه شچیسی ابراهیم قالین و میللی حابار آلما تشکیلاتی نینگ باشلیغی هاکان فیدان یوُلداشلیق اتدی.
أردوُغان بو دوشوشیغینگ باشیندا ناتونینگ ماصلاحاتی نینگ گۆن ترتیپلرینه قارالاندا بو ماصلاحاتینگ اؤرأن گۆیچلی بوُلاندیغینی آیتدی و روسیا- اوکراینا آراسینداقی ساواش سبأپلی انرژی و ایمیت قیمماتی نینگ یوُقارلاماغینا اۆنس چکدی.
أردوُغان "بو مسئله ده دنگ آغراملی سیاسات بیلن چؤزگۆت تاپیلماغی اۆچین تاغاللا ادیأریس. بو سیاساتدان نتیجه آلماغی اومیت ادیأریس" دیدی.
آمریکانینگ جمهورباشلیغی دا بو دوشوشیقدا تۆرکیأنینگ جمهورباشلیغی بیلن دوشوشانی اۆچین مینتدارلیق بیلدیردی و اوکرایناداقی غاللانینگ داشاری چیقاریلماغی اۆچین تۆرکیأنینگ آلیپ باریان ایشلری نینگ اؤرأن قوُویدیغینی آیتدی.
بایدن، سوئد و فنلاندینگ ناتو قوراماسینا آغضالیغی نینگ باشلانماغینا روغصات برنی اۆچین أردوُغانا مینتدارلیق بیلدیردی.
دِگیشلی حابارلار
تۆرکیه بیلن فلسطین ینگ آراسیندا ایکی ایلالاشیق قابول ادیلدی
تۆرکیأنینگ بیک میللت مجلیسینده تۆرکیه بیلن فلسطین ینگ آراسیندا قوُل چکیلن ایلالاشیقلار قابول ادیلدی
تۆرکیه ترورچیلیق بیلن گؤره‌شه دوُوام ادیأر
11 ولایاتدا ترورچیلار تاراپیندان قوللانیلیان 92 قوُواق و هین یوُق ادیلدی
