چاووش اوُغلی: ایسرائیل – تۆرکیه آراسیندا ایلچی بِللهمهک اۆچین ایش باشلاتدیق
چاووش اوُغلی فلسطین مسئله سینده تۆرکیأنینگ ایکی دؤولت چؤزگۆدینی قوُلدایاندیغینی آیتدی
تۆرکیأنینگ داشاری ایشلر وزیری مولود چاووش اوُغلی، ایسرائیل بیلن دیپلماتیک وکیلیهتی ایلچی یاغدایینا گتیرمهک اۆچین ایش باشلاداندیقلارینی آیتدی.
چاووش اوُغلی، رسمی ساپار بیلن آنکارا گلن ایسرائیل ینگ داشاری ایشلر وزیری یائیر لاپید بیلن دوشوشیغیندان سوُنگرا اوُرتاق مطبوغات گِنگِهشینده بیانات بردی.
لاپیدینگ بو ساپاری نینگ تۆرکیه- ایسرائیل قاتناشیقلارینی موندان دا کؤپ اؤسدۆرجکدیگینه اینانجینی بیان ادن چاووش اوُغلی ایکی یوردونگ بیری بیرینه ایلچی ایبرمه گی اۆچین ایش باشلاداندیقلارینی بیلدیردی.
ایسرائیللیلارا قارشی ترورچیلیق حوُوپی باراسینا دا اۆنس چکن چاووش اوُغلی، ایسرائیل بیلن حوُوپسوزلیق مسئله سینده حیذماتداشلیق ادیلیأندیگینی نیغتادی و
"شیله واقالارینگ یوردومیزدا بوُلماغینا، یوردومیزینگ ایچرسینده هر حیلی حاساپلاشمالارا و ترورچیلیق حرکتلره هیچ حیللی یاغدایدا روغصات برمهریس" دیدی.
چاووش اوُغلی فلسطین مسئله سینده تۆرکیأنینگ ایکی دؤولت چؤزگۆدینی قوُلدایاندیغینی آیتدی.
ایسرائیل ینگ داشاری ایشلر وزیری ده تۆرکیأ سیاحات اتمه ک باراسینداقی دویدوریشی اۆیتگِتجهکدیکلرینی و ایسرائیل ینگ ایلچیسی نینگ یاقین واغتدا تۆرکیأ قایتجاقدیغینی بیلدیردی.
لاپید "اووادان ایستامبولا و یوردونگیزینگ اوُوادان دنگیزیاقالارینا گنگ قالیارین. اؤنگۆمیزدأکی گۆنلرده ایسرائیللیلارینگ تۆرکیأ قایدیپ گلمه کلرینی اومیت ادیأرین. تۆرکیأنینگ یورتداشلاری دا قوُلایدا ایستامبول دان باشلادیلجاق گؤنی اوچوشلار بیلن قدس شهرینی زیارات ادیپ بیلر" دیدی.
دِگیشلی حابارلار
داشاری ایشلر وزیرلیگی ۱۹۱۵ ییلینداقی واقالار بیلن باغلانشیقلی بیانات بردی
تۆرکیأنینگ داشاری ایشلر وزیرلیگی مسئله بیلن باغلانشیقلی یازماچا بیانات بردی