أردوُغان: گۆیچلی یاغدایدا اوکراینانینگ توُپراق بیتولیگینه بریأن قوُلداویمیزی قایتالادیق
أردوُغان اوکراینا بیلن روسیانینگ آراسیندا ایکی تاراپلی ایناما اساسلانیان دیالوگ قورماق اۆچین تاغاللا ادیأندیکلرینی آیتدی
تۆرکیأنینگ جمهورباشلیغی رجب طیب أردوُغان ناتونینگ یوُلباشچیلار ماصلاحاتینا قاتناشماغیندان سوُنگرا بروکسل ده مطبوغات کنفرانسینی گچیردی.
تۆرک یوُلباشچی روسیا بیلن اوکراینا آراسینداقی دارتغینلیق باراسیندا "اوکراینانینگ جمهورباشلیغی زلنسکی، تۆرکیأنینگ آرا گیرمه‌گینی و آراچی بوُلماغینی ایسله یأر. بو یاغشی بیر ایسله‌گدیر و اگر تکلیپ ادیلسه بیز مونگا طایاردیرس" دیدی.
أردوُغان ناتونینگ مرکزینده اؤزآرا دوشوشیقلار گچیرندن سوُنگ برن بیاناتیندا، دینگه اوروپانینگ حوُوپسوزلیغی نینگ دأل، ایسه‌م گلوبال حوُوپسوزلیق مسئله سی باراسیندا دۆیپلی اۆیتگِشمه‌لرینگ بوُلوپ دوران دؤورۆندن گچیلیأندیگینی نیغتادی.
تۆرک یوُلباشچی اوکراینا بیلن روسیانینگ آراسینداقی ساواشینگ اۆستۆندن بیر آی گچندیگینی یاتلاتدی و
"ناتوداقی حیذماتداشلار حؤکمۆنده هم شو گۆنکی یاغدایلار هم ده ناتونینگ اتجک چأره لری باراسیندا گنگِه‌شمه ک اۆچین دوشوشدیق. تۆرکیأنینگ اوکراینانینگ توُپراق بیتولیگینه و قاراشسیزلیغینا 2014-نجی ییلدان بأری بریأن گۆیچلی قوُلداوینی هممه‌لر بیلیأندیر. کریمه نینگ روسیا باغلانماغینی قابول اتمه دیک و قابول اتمه‌جکدیگیمیزی هر پورصاتدا بیان اتدیک. ناتونینگ ماصلاحاتیندا ینه بیر گِزه ک گۆیچلی یاغدایدا اوکراینانینگ توُپراق بیتولیگینه بریأن قوُلداویمیزی قایتالادیق" دیدی.
أردوُغان اوکراینا بیلن روسیانینگ آراسیندا ایکی تاراپلی ایناما اساسلانیان دیالوگ قورماق اۆچین تاغاللا ادیأندیکلرینی ده سؤزلرینه قوُشدی.
تۆرکیأنینگ جمهورباشلیغی، یوردونینگ 11 ییلدان بأری سوریه دأکی ایچرکی ساواشینگ یۆکۆنی یکه باشینا داشایاندیغینی بیلدیردی و پاراحاتچیلیق اۆچین ایش آلیپ باریاندیقلارینی سؤزلرینه قوُشدی.
