أردوُغان بروکسل ده
تۆرکیأنینگ جمهورباشلیغی ناتونینگ یوُلباشچیلاری نینگ ماصلاحاتینا قاتناشیار
ناتو قوراماسینا آغضا بوُلان یورتلارینگ یوُلباشچیلاری بلژیگینگ پایتاغتی بروکسل ده عاداتدان داشغاری یاغدایدا ماصلاحات گچیریأر.
ماصلاحاتینگ گۆن ترتیبینده اوکراینا مسئله سی بار.
تۆرکیأنینگ جمهورباشلیغی رجب طیب أردوُغان بو ماصلاحاتا قاتناشماق اۆچین بروکسل ده ساپاردا بوُلیار.
أردوُغان-ی بو ساپاریندان عایالی امینه أردوُغان، داشاری ایشلر وزیری مولود چاووش اوُغلی، قوُرانماق وزیری خلوصی آقار، عادالات و اؤسۆش حزبی نینگ باشلیغی نینگ اوُرونباساری عمر چلیک، جمهورباشلیقلیق دیوانی نینگ آراقاتناشیق اداراسی نینگ باشلیغی فخرالدین آلتون و جمهورباشلیقلیق دیوانی نینگ مطبوغات گنگه شچیسی ابراهیم قالین و بیله کی جوُغاپکأرلر یوُلداشلیق ادیأر.
أردوُغان بروکسل ده دۆرلی اۆلکه لرینگ یوُلباشچیلاری بیلن ده دوشوشار.
تۆرکیأنینگ جمهورباشلیغی ناتو ماصلاحاتیندا آمریکانینگ جمهورباشلیغی جو بایدن بیلن ده دوشوشار.
تۆرکیه روسیا بیلن اوکراینانینگ آراسیندا باشلان دارتغینلیق و ساواشینگ باشیندان بأری پاراحاتچیلیغینگ دۆیبۆنی توتماق اۆچین دۆرلی ایشلر آلیپ باریار.
دِگیشلی حابارلار
یونان ینگ باش وزیری آنکارادا
اؤزآرا قاتناشیقلار بیلن بیله لیکده بؤلگه آرا و گلوبال یاغدایلار حاقیندا دا گنگه شیلر
