ایسرائیل ینگ جمهورباشلیغی تۆرکیه ده
ایسرائیل ینگ یوُلباشچیسی اسحاق هرزوگ آنکارادا ساپاردا بوُلیار
ایسرائیل ینگ جمهورباشلیغی اسحاق هرزوگ رسمی ساپار بیلن تۆرکیأ گلدی.
هرزوگ بیلن عایالی میچل، 2008-نجی ییلدان بأری ایسرائیل دان تۆرکیأ ساپار قورایان ایلکینجی یوُقاری درجه لی ایسرائیللی.
ایسرائیل ینگ جمهورباشلیغی نینگ اوچاری آنکاراداقی اسن بوُغا قوُنالغاسیندا قوُندی.
هرزوگ آنکارا اوچماغیندان اوُزال شیله بیانات بریپدی:
"عایالیم میچل بیلن تۆرکیأنینگ جمهورباشلیغی رجب طیب أردوُغان ینگ چاقیلیغی بیلن، دیالوگی یوُقالاتماق اۆچین تۆرکیأ باریارین. تۆرکیه بیلن قاتاشیقلاریمیز ایسرائیل و بؤلگه نینگ بأحبیدینهدیر. بو ساپاریمینگ ایسرائیل بیلن تۆرکیه آراسینداقی دیالوگی چونگلاشدیرماغینی آرزوو ادیأرین" دیدی.
اوزاق واغتدان سوُنگرا شیله بیر ساپارینگ بوُلاندیغینا اۆنس چکن هرزوگ،
"ایسرائیل بیلن تۆرکیأنینگ قاتناشیقلاری سوُنگقی ییللاردا توُلقونلی بوُلدی و قین یاغدایلار دا بوُلدی. اِمما قاتناشیقلاریمیز یانگاداندان باشلادیلمالی، دؤولتلرینگ آراسیندا حوُرمات بیلن، دنگ آغراملی و اۆنسلی بیر یاغدایدا قاتناشیقلارینگ دۆیبۆنی توتمالیدیرس" دیدی.
ایسرائیل ینگ جمهورباشلیغی، "همیشه یهودیلر، مسلمانلار و هریستیانلار (مسیحیلر) بؤلگأمیزده پاراحاتچیلیق ایچرسینده یاشاپ بیلجک، حالقلارینگ بایللیغی و قوُوی یاشاییشلار هؤدۆرلأپ بیلجک گؤزیتیمیمه اۆنس چکیأرین" دیدی.
بو ساپاردان سوُنگرا تۆرکیه بیلن چئن اتاپ و تاپاووتلی درجه ده چونگ بیر دیالوگینگ باشلاجاقدیغینی و قاتناشیقلاردا اؤنگه گیدیشلیک ادیلجکدیگینی آیدان هرزوگ،
"حالقارا دۆزگۆنینگ سارسیلیان ماحالی، بؤلگأمیزده دورنوقلیلیق و اوُرتاقلیغینگ دوُوام اتدیریلمه گی قوُوی و أهمیتلیدیر" دیدی.
ایسرائیل ینگ یوُلباشچیسی نینگ اوچاریندا عبرانیچا و تۆرکچه "پاراحاتچیلیق، گلجک، ایشدِشلیک" شیغارلاری نینگ یازیلاندیغی گؤرۆلدی.
دِگیشلی حابارلار
پ. ک. ک نینگ اۆچ ترورچیسی تأثیرسیز یاغدایا گتیریلدی
تۆرکیه ترورچیلیق بیلن توتانیرلی یاغدایدا گؤرهشمأگه دوُوام ادیأر