تۆرکیأنینگ داشاری ایشلر وزیرلیگی: روسیانینگ توتومینی قابول اتمهیأریس
تۆرکیأنینگ، اوکراینانینگ سیاسی بیرلیگی و توُپراق بیتولیگی نینگ قوُرالماغینا باغلی بوُلاندیغینا اۆنس چکیلدی
تۆرکیأنینگ داشاری ایشلر وزیرلیگی، روسیانینگ توُسلاما دونتسک و لوهانسک جمهوریتلرینی رسمی تایدان تاناماغی باراسینداقی قارارینی "روسیانینگ برن قاراری نینگ قابول ادیلیپ بیلینمهجکدیگینی بیلدیریأیس و رِت ادیأریس" دییپ بیلدیردی.
داشاری ایشلر وزیرلیگی روسیانینگ بو توتومی نینگ "اوکراینانینگ سیاسی بیرلیگی، قاراشسیزلیغی و توُپراق بیتولیگینه آچیق گؤرنۆشده بوُزغونچیلیق برندیگینی" بیلدیردی.
تۆرکیأنینگ داشاری ایشلر وزیرلیگی، اوکراینانینگ سیاسی بیرلیگی و توُپراق بیتولیگی نینگ قوُرالماغینا باغلی بوُلاندیقلارینا اۆنس چکدی و بۆتین تاراپلاری ساغدین بوُلماغا و حالقارا حقوغا حوُرمات قوُیماغا چاغیردی.
روسیانینگ یوُلباشچیسی ولادیمیر پوتین "دونتسک حالق جمهوریتی و لوهانسک حالق جمهوریتی نینگ قاراشسیزلیغینی تاناماق اۆچین گیجأ قالینسا دا قارار آلیارین" دییپدی.
دِگیشلی حابارلار
دمیرقازیق عیراق دا پ. ک. ک نینگ اۆچ ترورچیسی تأثیرسیز یاغدایا گتیریلدی
عیراغینگ دمیرقازیغیندا آیرالیقچی ترور قوراماسی پ. ک. ک نینگ اۆچ ترورچیسی تأثیرسیز یاغدایا گتیریلدی