تۆرک و ایسرائیللی توُپار دوشوشیق گچیردی

تۆرکیأنینگ جمهورباشلیقلیغی نینگ مطبوغات گنگه شچیسی ابراهیم قالین و داشاری ایشلر وزیری نینگ اوُرونباساری سدات اؤنال ینگ یوُلباشچیلیغینداقی تۆرک توُپاری ایسرائیل ینگ جمهورباشلیقلیغی و داشاری ایشلر وزیرلیگی نینگ جوُغاپکأرلری بیلن دوشوشیق گچیردی.

آلینان ماغلوماتا گؤرأ قالین بیلن اۆنال ینگ دا ایچینده بوُلانی تۆرک توُپاری، ایسرائیل ینگ داشاری ایشلر وزیرلیگی نینگ عمومی جوُغاپکأری آلون اوشپیز، ایسرائیل ینگ جمهورباشلیقلیغی اداراسی نینگ عمومی جوُغاپکأری ایال شویکی و بو قورامالارینگ یوُقاری درجه لی جوُغاپکأرلری بیلن دوشوشدی.

دوشوشیقدا ایسرائیل ینگ جمهورباشلیغی اسحاق هرتزوگ ینگ اؤنگۆمیزدأکی آی تۆرکیأ قوراجاق ساپاری نینگ طایارلیقلاری و اؤزآرا قاتناشیقلار و حالقارا مسئله لر باراسی گۆن ترتیبینه گتیریلدی.

ایسرائیل ینگ جمهورباشلیغی نینگ ایکی یوردونگ توُپاری نینگ ماصلاحاتینا قیسغاچا قاتناشیپ تۆرک توُپارینا "حوُش گلدینگیز" دیه‌ندیگی بیلدیریلدی.

ابراهیم قالین بیلن سدات اؤنال موندان اوُزال دا رام الله دا فلسطین ینگ دؤولت یوُلباشچیسی محمود عباس تاراپیندان قابول ادیلیپدی.