تۆرکیأنینگ جمهورباشلیغی امارات دا
امارات بیلن تۆرکیأنینگ آراسیندا 13 ایلالاشیق شرطناماسی باغلاشیلدی
تۆرکیأنینگ جمهورباشلیغی رجب طیب أردوُغان ابوظبی نینگ ولیعهد پرنسی شیخ محمد بن زاید آل نهیان ینگ چاقیلیغی بیلن اماراتا ایکی گۆنلۆک رسمی ساپار قورایار.
أردوُغان ابوظبی نینگ حالقارا قوُنالغاسیندا ابوظبی نینگ فدرال وزیری ثانی بن احمد الزیودی، تۆرکیأنینگ ابوظبی دأکی ایلچیسی توغای تونچأر و دوبی دأکی باش کنسولی مصطفی ایلکأر قیلیچ تاراپیندان قارشیلاندی.
أردوُغان سوُنگ بوُلسا دؤولت کؤشگی بوُلان قصر الوطن ده ولیعهد پرنس آل نهیان تاراپیندان رسمی دابارا بیلن قارشیلاندی.
ایکی یوُلباشچی رسمی قارشیلاما داباراسیندان سوُنگرا اؤزآرا دوشوشیق گچیردی.
تۆرکیأنینگ جمهورباشلیغی بیلن ابوظبی نینگ ولیعهد پرنسی نینگ دوشوشیغیندان سوُنگ ایکی یوردونگ آراسیندا توُپارآرا دوشوشیق گچیریلدی.
بو دوشوشیقدان سوُنگرا تۆرکیه بیلن امارات ینگ آراسیندا دۆرلی ایلالاشیق شرطناماسینا قوُل چکیشیلدی.
تۆرکیه جمهوریتی نینگ حؤکۆمتی بیلن بیرلشن عاراپ امیرلیکلری نینگ حؤکۆمتی آراسیندا قوُرانماق صناغاتی، ساغلیغی قوُراییش، اقلیم، صناغات، تکنولوژی، مدنیت، اکرانچیلیق، سؤودا، ایقدیصادیهت، قوری یر و دنگیزدن یۆک قاتنادیلماغی، یاشلار، عاداتدان داشغاری یاغدای، هوُوا یاغدایی، آراقاتناشیق و آرشیو پوداقلاریندا 13 ایلالاشیق شرطناماسی باغلاشیلدی.
أردوُغان ینگ دوشوشیقلاریندا ایکی یوردونگ اؤزآرا قاتناشیقلاری نینگ اؤسدۆریلمه گی بیلن بیله لیکده پاراحاتچیلیق و دورنوقلیلیغینگ قوُرالماغی اساسیندا بؤلگه آرا و حالقارا یاغدایلار باراسیندا دا گِنگهشیلر.
أردوُغان اکسپو 2020- دبی سرگیسینده ده تۆرکیأنینگ میللی گۆنی میناسیبتلی ارتیر تۆرکیأنینگ سرگیسینه باریپ گؤرِر.
دِگیشلی حابارلار
تۆرکیه بیلن فلسطین ینگ آراسیندا ایکی ایلالاشیق قابول ادیلدی
تۆرکیأنینگ بیک میللت مجلیسینده تۆرکیه بیلن فلسطین ینگ آراسیندا قوُل چکیلن ایلالاشیقلار قابول ادیلدی
تۆرکیه ترورچیلیق بیلن گؤرهشه دوُوام ادیأر
11 ولایاتدا ترورچیلار تاراپیندان قوللانیلیان 92 قوُواق و هین یوُق ادیلدی