ایران بیلن تۆرکیأنینگ جمهورباشلیقلاری تلفن آرقالی دوشوشدی
دوشوشیقدا ایکی قوُنگشی یوردونگ قاتناشیقلاری و بؤلگه آرا واقالار گِنگهشیلدی
تۆرکیأنینگ جمهورباشلیغی رجب طیب أردوُغان ایرانلی ایشدشی ابراهیم رئیسی بیلن تلفن آرقالی دوشوشیق گچیردی.
دوشوشیقدا ایکی قوُنگشی یوردونگ قاتناشیقلاری و بؤلگه آرا (منطقهای) واقالار گِنگهشیلدی.
تۆرکیأنینگ جمهورباشلیغی بو دوشوشیقدا اینگ قیسغا واغتدا تهراندا گچیریلجک یوُقاری درجه لی حیذماتداشلیق ماصلاحاتی و قوُل چکیلجک ایلالاشیقلار باراسیندا ایشلرینگ آلیپ باریلیاندیغینی بیلدیردی.
أردوُغان قفقازدا پاراحاتچیلیق و دورنوقلیلیغینگ یوُلا قوُیولماغی اۆچین تاغاللالارینا دوُوام ادیأندیکلرینی بیلدیردی و آذربایجان ینگ جمهورباشلیغی الهام علی یف بیلن بیله لیکده 3+3 پلاتفرمی نینگ ماصلاحاتینا تۆرکیأنینگ یر ایه چیلیگینی اتمهک ایسله یأندیگینی سؤزلرینه قوُشدی.
ایران ینگ جمهورباشلیغی رئیسی ده بو دوشوشیقدا ایکی یوردونگ قاتناشیقلاری نینگ پتانسیلینه اۆنس چکدی و ایران ینگ تۆرکیه بیلن استراتژیک حیذماتداشلیق ادیلمه گی باراداقی پلان و تاسلامالارا طایاردیغینی بیلدیردی.
دِگیشلی حابارلار
أردوُغان قازاغیستان ینگ باش وزیرینی قابول اتدی
تۆرکیأنینگ جمهورباشلیغی رجب طیب أردوُغان قازاغیستان ینگ باش وزیری اولجاس بکتنوف بیلن دوشوشدی
الیسا فریرا: تۆرکیه بیلن اوروپا بیله له شیگی نینگ قاتناشیقلاری یوُقارلامالیدیر
الیسا فریرا غازی آنتپ ولایاتی نینگ حأکیمی کمال چبر و شهر حأکیمی فاطما شاهین بیلن دوشوشدی