أردوُغان: تۆرکیه همیشه بوُلشی یالی شو گۆن ده آلبانیا قوُلداو بریأر

تۆرکیأنینگ جمهورباشلیغی رجب طیب أردوُغان، تۆرکیأنینگ بالکان دا پاراحاتچیلیق و آسودالیق اۆچین اؤز وظیپه سینی یرینه یتیرندیگینی و موندان بیلأک ده پاراحاتچیلیق و آسودالیق اۆچین گارانتور یورتلاردان بیری بوُلوپ وظیپه سینه دوُوام اتجکدیگینی بیلدیردی.

أردوُغان آلبانیانینگ باش وزیری ادی راما بیلن پایتاغت تیرانادا ایلالاشیق شرطنامالارینا قوُل چکندن سوُنگ بیانات بردی.

ادی راما بیلن دوشوشیقلاریندا فت الله چی ترور قوراماسی (فتؤ) بیلن گؤره ش باراسیندا دا گپله شندیکلرینی نیغتان أردوُغا "آلبانیادا فتؤنینگ هنیز ده ایش آلیپ بارماغی بیزی اؤرأن قیناندیریار. موندان دا چالت أدیملرینگ أدیلمه گینه قاراشیاریس" دیدی.

آلبانیانینگ باش وزیری بیلن بالکان داقی یاغدایلار حاقیندا دا گنگه شِندیکلرینی آیدان أردوُغان، " تۆرکیه بالکان دا پاراحاتچیلیق و آسودالیق اۆچین اؤز وظیپه سینی یرینه یتیرن بوُلسا موندان بیلأک ده پاراحاتچیلیق و آسودالیق اۆچین گارانتور یورتلاردان بیری بوُلوپ وظیپه سینه دوُوام ادر" دیدی.

تۆرکیأنینگ جمهورباشلیغی آلبانیانینگ مجلیسینده برن بیاناتیندا دا،

"تۆرک میللتی همیشه‌کی یالی شو گۆنکی گۆنده ده آلبانیانینگ یانیندادیر. 1923-نجی ییلیندا ایلکینجی دوُستلوق ایلالاشیغیمیزدان بیری آلبانیا بیلن بوُلاندیر. تۆرکیه بیلن آلبانیا بیله لیکده الله ینگ روغصاتی بیلن بۆتین مسئله لری چؤزگۆده قوُوشوریپ بیلیر" دیدی.

أردوُغان تأزه گؤرنۆشلی کروناویروس یوُقانچ کسلینه قارشی تورکوواک واکسنی بیلن همیشه آلبانیا قوُلداو برجکدیگینی ده سؤزلرینه قوُشدی.

أردوُغان تۆرکیه تاراپیندان تعمیر ادیلن تیراناداقی ادهم بیک متجیدی نینگ ده آچیلیش داباراسینا قاتناشدی.

أردوُغان شوُل دابارادا "تۆرکیه بیلن آلبانیانینگ اوُرتاق تاریحی و مدنی بایلیقلاریندان بیری بوُلان ادهم بیک متجیدی شوُل بیر واغتدا تیرانانینگ قیمماتیدیر. رمضان آیینا چنلی نمازگاه متجیدینی ده تعمیر ادریس. بالاک دا تۆرکیه بیلن آلبانیانینگ باشارماجاق ایشی یوُقدیر" دیدی.