علی یف تۆرکیأنینگ میللی قوُرانماق وزیرینی قابول اتدی

آذربایجان ینگ جمهورباشلیغی الهام علی یف، میللی قوُرانماق وزیری خلوصی آقار و بیله لیگیندأکی توُپاری شوشا شهرینده قابول اتدی.

آقار، تۆرکیأنینگ قشون باشلیغی ژنرال یاشار گۆلر و قشونینگ باش توتانلاری؛ 8-نجی نوُیابر ینگیش گۆنی میناسیبتلی آذربایجان دا ساپاردا بوُلیار.

ارتیر بیلن شوشا شهرینه باران آقار و تۆرکیأنینگ یاراغلی گۆیچلری نینگ باشلیقلاری آذربایجان ینگ جمهورباشلیغی الهام علی یف تاراپیندان قابول ادیلدی.

آذربایجان ینگ قوُرانماق وزیری ذاکر حسنوف دا بو دوشوشیغا قاتناشدی.

دوشوشیقدا خلوصی آقار، تۆرکیأنینگ جمهورباشلیغی رجب طیب أردوُغان ینگ دوُست دوُغانلیق یورت آذربایجان ینگ 8-نجی نوُیابر ینگیش گۆنۆنی قوتلاندیغینی بیلدیردی.

تۆرک وزیر، تۆرکیه و آذربایجان آراسینداقی قاتناشیقلارینگ "بیر میللت ایکی دؤولت" قاراییشی بیلن یوُقارلاپ دوُوام اتجکدیگینی، تۆرکیأنینگ همیشه جان دوُغان آذربایجان ینگ حاقلی یوُلوندا یانیندا بوُلجاقدیغینی بیلدیردی.