تۆرکیه ده ۶-نجی سپتامبردا اوُقووجایلاری آچیلیار

تۆرکیأنینگ میللی تعلیم تربیه وزیری محمود اؤزأر اوُقووجایلاری نینگ 6-نجی سنتیابردا (سپتامبردا) آچیلجاقدیغینی بیلدیردی.

تۆرک وزیر تۆرکیه دأکی موغاللیملارینگ 80.34 گؤتِریمی نینگ اینگ آز بیر دُز واکسن اوردوراندیغینی آیتدی.

ایکی دُز واکسن اوردوران موغاللیملارینگ موقداری نینگ دا 69.73 گؤتریم بوُلاندیغینی نیغتان محمود اؤزأر، اوُقووجایلاری نینگ اوُقووچیلارا هپده ده 5 گۆن آچیق بوُلجاقدیغینی و اوُقووچیلارینگ اوزاقدان دأل، اوُقووجاییندا ساپاق آلجاقدیقلارینی بیلدیردی.

تۆرک وزیر اوُقووجایلاریندا کروناویروسا قارشی بۆتین چأره لرینگ گؤرۆلجکدیگینی ده سؤزلرینه قوُشدی.

تۆرکیه دۆنیأده اینگ کؤپ واکسن اورولان یورتلاردان بیری.

شو واغتا چنلی اورولان واکسن سانی 87.5 میلیون دُز-دان گچدی.