عمر چلیک: تۆرکیه هیچ کیمینگ بوُسغون کمپی دألدیر

عادالات و اؤسۆش پارتیاسی نینگ مطبوغات گنگه شچیسی عمر چلیک تۆرکیأنینگ هیچ کیمینگ بوُسغون کمپی بوُلماندیغینی آیتدی.

عمر چلیک بوُسغونلار مسئله سی باراسیندا بیانات بردی.

چلیک برن بیاناتیندا، تۆرکیأ گلیأن اوُوغان بوُسغونلار حاقیندا،

"تۆرکیه اؤلۆمدن قاچیان آداملارا قوجاغینی آچیار. بو مسئلأنینگ اربت یاغدایدا اولانیلماغینا آصلا روغصات برمه ریس. تۆرکیه هیچ کیمینگ بوُسغون کمپی دألدیر" دیدی.

تۆرکیأنینگ موندان کؤپ بوُسغون یۆکۆنه یاغدایی بوُلماندیغینی آیدان چلیک، "تۆرکیأنینگ سرحت حأکیمیتی یوُقاریدیر" دیدی.

گچن هپده آمریکا، اوُوغانلارینگ تۆرکیه و اۆچۆنجی یورتلار اۆستی بیلن آمریکا گؤچمه ک اۆچین یۆز توتوپ بیلجکدیگینی آیدیپدی و آنکارا دوُلانشیغی دا بو سؤزلره برک جوُغاپ بریپدی.

داشاری ایشلر وزیرلیگی نینگ مطبوغات گنگه شچیسی تانژو بیلگیچ:

"تۆرکیه حؤکمۆنده آمریکانینگ جوُغاپکأرچیلیکدن اوزاق و یورتلارا گنگه شیلمأن آلان قارارینی قابول اتمه یأریس. آمریکا اگر بولاری اؤز یوردونا آلماق ایسله یأن بوُلسا گؤنی اوچارلار بیلن اؤز یوردونا گتیریپ بیلر" دییپدی.