تۆرکیأنینگ جمهورباشلیغی، قیرغیز جمهوریتی نینگ یوُلباشچیسی بیلن دوشوشدی
أردوُغان تۆرکیأنینگ قیرغیزیستان بیلن قاتناشیقلاری نینگ أهمیتینه اۆنس چکدی
قیرغیزیستان ینگ جمهورباشلیغی صدر جباروف رسمی ساپار بیلن تۆرکیأ گلدی.
میهمان جمهورباشلیغینگ ایچینده بوُلان رسمی اولاغینی (ماشینینی) آنکارادا جمهورباشلیقلیق کؤشگۆنینگ اؤنگۆندأکی کؤچه ده قارشیلان آتلی عسگرلر، اولاغا گیرهلگأ چنلی یوُلداشلیق اتدی.
پرزیدنت أردوُغان آشایاغان یاغیشدا عامالا آشیریلان دابارادا جبارووی گیرهلگِه ده قارشیلادی.
أردوُغان بیلن جباروف رسمی داباراداقی یرلرینه گچندن سوُنگ ایکی یوردونگ میللی ثنالاری یانگلاندی و 21 گِزه ک توُپ آتیلدی.
دابارادا تاریحدا اساسلاندیریلان 16 تۆرک دؤولتینه وکیلچیلیک ادیأن بایداقلار و عسگرلر باردی.
بیری بیریلرینه توُپارلارداقیلاری تانیشدیران أردوُغان و جباروف، باسانچاقدا تۆرکیأنینگ و قیرغیزیستان ینگ بایداقلاری نینگ اؤنگۆنده صوراتا دۆشدیلر.
دابارا جمهورباشلیغینگ اوُرونباساری فواد اوکتای، داشاری ایشلر وزیری مولود چاووش اوُغلی، غازنا و مالیه وزیری لطفی الوان، مدنیت و سیاحاتچیلیق وزیری محمت نوری أرسوُی و سؤودا وزیری محمت موش بیلن آراقاتناشیق اداراسی نینگ باشلیغی فخرالدین آلتون و جمهورباشلیقلیغینگ مطبوغات گنگه شچیسی ابراهیم قالین قاتناشدی.
جبارووا یولداشلیق ادن یوُقاری درجه لی توُپارینگ دۆزۆمینده بوُلسا قیرغیز وزیرلر و قشون ینگ رسمی ماقاملاری باردی.
دابارادان سوُنگ ایکی یوردونگ یوُلباشچیسی اؤزآرا دوشوشیق گچیردی.
اؤزآرا دوشوشیقدان سوُنگ توُپارآرا دوشوشیق گچیریلدی.
ایکی یوردونگ آراسیندا دۆرلی ایلالاشیق شرطناماسینا قوُل چکیشیلدی.
سوُنگرا مطبوغات گنگه شی گچیریلدی.
تۆرکیأنینگ جمهورباشلیغی رجب طیب أردوُغان مطبوغات کنفرانسیندا،
"اوُتوز ییل موندان اوُزال قیرغیز جمهوریتی نینگ قاراشسیزلیغینی ایلکینجی یورت حؤکمۆنده قابول ادن تۆرکیه بوُلوپدی. شو ییل قاتناشیقلاریمیزی استراتژیک اوُرتاقلیق و حیذماتداشلیغا یتیرنیمیزینگ 10-نجی ییلی. قیرغیزیستان بیلن گچمیشدن گلجگه دوُوام ادن دوُغانلیغیمیزی موندان دا گۆیچلندیریپ دوُوام ادریس" دیدی.
أردوُغان برن بیاناتیندا، "فتؤنینگ هر ایکی یورت اۆچین ده میللی حوُوپسوزلیق تهدیدی بوُلاندیغی باراسیندا ایلالاشیاریس" دیدی و "سیاسی دورنوقلیلیق مسئله سینده أدیلن هر أدیمده قیرغیز جمهوریتینه قوُلداو بریأریس" دییپ بِلله دی.
تۆرکیأنینگ جمهورباشلیغی 1 میلیارد دلارلیق ایقدیصادی قاتناشیق ماقصادینا یتمه ک اۆچین تاغاللالارینگ یوُقارلاجاقدیغینی دا سؤزلرینه قوُشدی.
قیرغیز جمهوریتی نینگ جمهورباشلیغی صدر جباروف دا "قیرغیزیستان تۆرکیأنینگ حالقارا میدانلاردا أهمیتی نینگ یوُقارلاماغینا بگنیأریس" دیدی.
جباروف تۆرکیأنینگ قیرغیزیستانا برن قوُلداولاری سبأپلی دؤولتی و حالقی آدیندان ساغ بوُلسون آیتدی.
دِگیشلی حابارلار
تۆرکیه بیلن فلسطین ینگ آراسیندا ایکی ایلالاشیق قابول ادیلدی
تۆرکیأنینگ بیک میللت مجلیسینده تۆرکیه بیلن فلسطین ینگ آراسیندا قوُل چکیلن ایلالاشیقلار قابول ادیلدی
تۆرکیه ترورچیلیق بیلن گؤرهشه دوُوام ادیأر
11 ولایاتدا ترورچیلار تاراپیندان قوللانیلیان 92 قوُواق و هین یوُق ادیلدی