شن‌توُپ: تۆرکیه کروناویروس دؤورۆنده 158 یوردا کؤمِک بردی

تۆرکیأنینگ بیک میللت مجلیسی نینگ باشلیغی مصطفی شن توُپ تۆرکیأنینگ کروناویروس یوُقانچ کسلینه قارشی 158 یورت و 11 حالقارا قورلوشیغا لوقمانچیلیق کؤمِگینی اوغراداندیغینی آیتدی.

شن توُپ پأکیستان ینگ پایتاغتی اسلام آباددا گچیریلن ایقدیصادی حیذماتداشلیق قوراماسی نینگ پارلمانلار ماصلاحاتیندا بیانات بردی.

تۆرکیأنینگ بیک میللت مجلیسی نینگ باشلیغی کووید- 19 یوُقانچ کسلی بیلن گؤره ش مسئله سینده حالقارا حیذماتداشلیق و جبیسلیگینگ اؤرأن أهمیتلی بوُلاندیغینا اۆنس چکدی.

شن توُپ تۆرکیأنینگ 158 یورت و 11 حالقارا جمغیتچیلیگه کؤمِک اوغراداندیغینی یاتلاتدی.

مصطفی شن توُپ فلسطین مسئله سینده ده تۆرکیأنینگ ایکی دؤولتلی چؤزگۆنده اینانیاندیغینی آیتدی و سرحتلری 1967-نجی ییلدا سرحتلره اساسلانیان، پایتاغتی گۆن دوُغار قدس بوُلان، جغرافی چأکلری بیتِو، قاراشسیز بیر فلسطین دؤولتی نینگ قورالماغینی توتان یرلی یاغدایدا قوُلدایاندیقلارینی بیلدیردی.

شن توپ 74 ییلدان بأری دوُوام ادیأن کشمیر مسئله سی نینگ ده دیالوگ یوُلی بیلن، انسان حاقلارینا و حالقارا حقوغا لاییقلیقدا کشمیرلیلرینگ قاراییشلارینا گؤرأ چؤزۆلمه لیدیگینی آیتدی.