چاووش اوُغلی بیلن لاوروف دوشوشیق گچیردی

تۆرکیأنینگ داشاری ایشلر وزیری مولود چاووش اوُغلی روس ایشدشی سرگی لاوروف بیلن تلفن آرقالی دوشوشیق گچیردی.

دوشوشیقدا، ایکی یوردونگ جمهورباشلیقلاری نینگ تلفن آرقالی دوشوشیغیندا گۆن ترتیبینه گتیریلن مسئله لره قارالدی.

دۆین تۆرکیأنینگ جمهورباشلیغی رجب طیب أردوُغان بیلن روسیانینگ یوُلباشچیسی ولادیمیر پوتین آراسیندا تلفن آرقالی دوشوشیق گچیریلیپدی.

دوشوشیقدا تۆرکیه- روسیا قاتناشیقلاری نینگ اؤسدۆریلمه گی باراسیندا گنگه شیلیپدی و بؤلگه آرا مسئله لر گۆن ترتیبینه گتیریلیپدی.

أردوُغان ایکی یوردونگ یولباشچیلاری نینگ دوشوشیغیندا داغلیق قاراباغ داقی اولغامینگ قورالماغی اۆچین اوُرتاق تاغاللانینگ أهمیتینه اۆنس چکیپدی.

أردوُغان- پوتین دوشوشیغیندا سوریه و لیبی مسئله لرینه ده قارالیپدی.