أردوُغان: اوروپا بیله له شیگی استراتژیک کؤرلۆکدن حالاص بوُلمالی

تۆرکیأنینگ جمهورباشلیغی رجب طیب أردوُغان اوروپا بیله له شیگی نینگ سزه ور بوُلان استراتژیک کؤرلۆکدن حالاص بوُلمالیدیغینی آیتدی.

أردوُغان حالقارا بیلیم یورتلاری گنگه شی و آق دنگیز بیلیم یوردی تاراپیندان آنتالیادا گچیریلن "گۆن دوُغار آق دنگیز" ماضمونلی ایشجنگ ماصلاحاتینا ویدئو یۆزلنمه سی بیلن قاتناشدی.

رجب طیب أردوُغان " اوروپا بیله له شیگی باشدان گچیریأن استراتژیک کؤرلۆگیندن دولولیغینا حالاص بوُلمالی. قبرس ینگ یونان بؤله گی و یونان تاراگیندان گۆن دوُغار آق دنگیزده حیاناتچیلیقلی پیدالانیلماغینا یوُل بریلمه لی دأل" دیدی.

بیله له شیگینگ آرقالاشیغی باهاناسی بیلن قبرس تۆرکلرینه و تۆرکیأ موندان آرتیق حاقسیزلیق اتمه لی دألدیگینی آیدان أردوُغان "گۆن دوُغار آق دنگیزه قوُنگشی أهلی یورتلارینگ و قبرس تۆرکلری نینگ قاتناشماغیندا ماصلاحات گچیریلمه گینی تکلیپ اتدیک. دگیشلی تاراپلاردان تۆرکیأ هؤدۆرلأن تکلیبینی قابول اتمه گینه قاراشیاریس. یونان ینگ باشدا دورماغیندا آق دنگیزده قوُنگشی یورتلارینگ أهلیسینی بو مسئلأ نتیجه سیز اوُیون حؤکمۆنده چمه له شمه کدن ال چکمأگه چاغیریاریس. پاراساتلیلیق، ایچگینلیک و دۆشۆنجه لیلیک بیلن حرکت ادیلن حالاتیندا هممه تاراپلار اۆچین بأحبیتلی چؤزگۆدینگ تاپیلجاقدیغینا اینانیارین" دیدی.

أردوُغان تۆرکیه یالی آق دنگیزینگ اینگ اوزین یاقاسینا ایه بوُلان یوردونگ باشدان گچیریلیأنلره سینچی بوُلوپ قالماغی نینگ مۆمکین دألدیگینی بیان اتدی.