أردوُغان: ایزمیردأکی یر تیتره مه سینده ضلل گؤرنلرینگ أتیأچلری اۆپجۆن ادیلدی

تۆرکیأنینگ جمهورباشلیغی و عادالات و اؤسۆش پارتیاسی نینگ باشلیغی رجب طیب أردوُغان، تۆرکیأنی یر تیتره مه سی یالی طبیغی بدباغتچیلیقلارا قارشی طایارلیقلی یاغدایا گتیرمه ک اۆچین گیجه گۆندیز ایش آلیپ بارجاقدیقلارینی بیلدیردی.

آق پارتی نینگ مرکزینده، ولایات باشلیقلاری نینگ ماصلاحاتیندا چیقیش ادن أردوُغان، ایزمیر دأکی یر تیتره مه سیندن سوُنگرا باشلادیلان حالاص ادیش ایشلری نینگ تاماملاناندیغینی و 114 آدامینگ آرادان چیقاندیغینی، 1035 آدامینگ یارالاناندیغینی نیغتادی.

یر تیتره مه سینده ضلل گؤرِنلرینگ بۆتین أتیأچلری نینگ اۆپجۆن ادیلندیگینی آیدان أردوُغان، ییقیلان اؤیلرینگ حارابالیغینی اینگ قیسغا واغتدا ییغناپ بیر آی ایچرسینده اؤیلری ییقیلانلار اۆچین تأزه اؤیلرینگ سالینماغا باشلانجاقدیغینی بیلدیردی.

أردوُغان،

"هنیز اۆیتگه دیلمه گی ضرور بوُلان 6.7 میلیون اؤی بار.بیز یر تیتره مه سی یالی یاغدایلار اۆچین طایارلیق گؤریأریس و گیجه گۆندیز ایش آلیپ باریاریس" دیدی.