أردوُغان تلفن آرقالی میشل بیلن دوشوشیق گچیردی

تۆرکیأنینگ جمهورباشلیغی رجب طیب أردوُغان اوروپا بیله له شیگی گنگه شی نینگ باشلیغی چارلز میشل بیلن دوشوشیق گچیردی.

دوشوشیقدا تۆرکیه بیلن اوروپا بیله له شیگی نینگ آراقاتناشیغی و گۆن دوُغار آق دنگیزدأکی یاغدایلار گۆن ترتیبینه گتیریلدی.

أردوُغان بو دوشوشیقدا تۆرکیه بیلن اوروپا بیله له شیگی نینگ قاتناشیقلاری نینگ یوُقارلادیلماغی، اوروپا بیله له شیگی نینگ 18-نجی مارت داقی ایلالاشیغینا لاییقلیقدا جوغاپکأرچیلیکلرینی یرینه یتیرمه گی، گۆمرۆک ایلالاشیقلاری و ویزاسیز آیلانشیق مسئله سینی ایسله دی.

تۆرکیأنینگ جمهورباشلیغی، تۆرکیأنینگ یاغشی نیتینه قارامازدان یونان ینگ گۆن دوُغار آق دنگیزده دارتغینلیغی یوُقارلادیاندیغینی آیتدی و تۆرکیأنینگ ایسله یأنی بوُلان گۆن دوُغار آق دنگیز کنفرانسی اۆچین اوروپا بیله له شیگیندن أدیم أتمه گینی ایسله دی.

أردوُغان آذربایجان ینگ توُپراقلارینی ایشغال ادن ارمنیستان ینگ طبیغی گاز و نبیت توربالاری نینگ گچیأن یری بوُلان تووز و گنجه شهرینه ادن هۆجۆمی بیلن اوروپانینگ انرژی حوُوپسوزلیغینا ضلل بریأندیگینی بیلدیردی و اوروپا بیله له شیگی نینگ "آذربایجان ینگ توُپراق بیتولیگی" مسئله سینده توتان یرلی توتوم سرگیله مه لیدیگینی آیتدی.