أردوُغان بیلن استولتنبرگ گۆن دوُغار آق دنگیز باراسیندا گنگه‌شدی

تۆرکیأنینگ جمهورباشلیغی رجب طیب أردوُغان ناتونینگ باشلیغی ینس استولتنبرگ بیلن تلفن آرقالی دوشوشیق گچیردی.

آراقاتانشیق اداراسیندان بریلن ماغلوماتا گؤرأ، أردوُغان بیلن استولتنبرگ تلفن گپله شیگینده گۆن دوُغار آقدنگیزده باشدان گچیریلیأن واقالار و تۆرکیه- ناتو قاتناشیقلاری حاقیندا گنگه شدی.

پرزیدنت أردوغان تلفن صؤحبِتدِشلیگینده تۆرکیأنینگ گۆن دوُغار آق دنگیز مسئله سینده دارتغینلیغینگ قوُوشاماغینا و گپله شیکلرینگ باشلاماغینا قوُلداو بریأندیگینی ینه بیر گِزه ک قایتالادی.

یونان ینگ دارتغینلیغی یوُقارلادیاندیغینا و مِچِو برمه لرینه قارامازدان تۆرکیأنینگ پاراساتلی چمه له شیأندیگینی نیغتان أردوُغان، یتیلن سپگیتده ایغلان ادیلن گنگه شمه لرینگ گلجگی نینگ یونان ینگ توتومینا باغلیدیغینی بیلدیردی.

ناتونینگ باشلیغی استولتنبرگ ینگ گۆن دوُغار آق دنگیز مسئله سینده ادیأن تاغاللاسینی تقدیر ادیأندیکلرینی نیغتان أردوُغان، تۆرکیأنینگ گۆن دوُغار آق دنگیز مسئله سی نینگ چؤزۆلمه گی اۆچین ناتونینگ ادیأن تاغاللاسینا قوُلداو بریأندیگینی و ایلالاشیق قازانیلماغینی ایسله یأندیگینی نیغتادی.