أردوُغان ینگیش بایرامینی قوتلادی
تۆرکیأنینگ جمهورباشلیغی نینگ ینگیش بایرامی میناسیبتلی قولاغ یۆزلِنمه سی
تۆرکیأنینگ جمهورباشلیغی رجب طیب أردوُغان 30-نجی آگوست ینگیش بایرامینی قوتلادی.
أردوُغان قوتلاغ یۆزلِنمه سینده "30-نجی آگوست ینگیشی بیلن بو توُپراقلارینگ همیشه لیک واطانیمیز بوُلاندیغینی ینه بیر گِزه ک ایغلان ادیلدی" دییپ بِلله دی.
تۆرکیأنینگ جمهورباشلیغی، 30-نجی آگوست ینگیش بایرامی نینگ 98-نجی ییللیغی میناسیبتلی قوتلاغ یۆزلِنمه سینده تۆرکیه دأکی و دۆنیأنینگ دؤرت بیر یانینداقی یورتداشلارینگ ینگیش بایرامینی قوتلادی.
أردوُغان قوتلاغیندا شیله بیلدیردی:
"1919-نجی ییلدا سامسون دا غازی مصطفی کمال آتاتۆرک ینگ یوُلباشچیلیغیندا باشلادیلان حالاص ادیش گؤره شی، 30-نجی آگوست باش توتانلیق میدان اورشی بیلن حؤکمأنی ینگیشه اؤورۆلدی. 30-نجی آگوست آگوست ینگیشی بیلن بو توُپراقلارینگ همیشه لیک واطانیمیز بوُلاندیغینی ینه بیر گِزه ک ایغلان ادیلدی. بو ینگیش تاریحدا گؤمۆلمهک ایسله نیأن بیر میللتینگ اؤز کۆللریندن دوُغماغی نینگ، قانات آچماغی نینگ و تاریحدا ینه ده اؤزۆندن سؤز اتدیرمهگی نینگ ایغلانیدیر.
"گۆن دوُغار آق دنگیزده یوردومیزی قاباماغا سینانشانلارینگ بیر عاصیر موندان اوُزال دا واطانیمیزی باسیپ آلماغا سینانشان یورتلار بوُلماغی یؤنه کی و بیردن بوُلان زات دألدیر" دیه ن أردوُغان،
"میللتیمیز نأحیللی غاریپلیق و یوُقلیق ایچرسینده بوُلسا دا حالاص ادیش گؤره شینی ینگیش بیلن نتیجه لندیرن بوُلسا، شو گۆن ده ماوی واطان داقی سور هؤوِسلرینی و حمله لرینی پوجا چیقارماق باراسیندا آصلا شک اتمه جکدیر. بو مسئله دأکی ارادأمیزدن و ینگیشه بوُلان سارسیلماجاق اینانجیمیزدان هیچ کیم شپهه اتمه سین. بو پیکیرلر بیلن جمهوریتیمیزینگ اساسلاندیریجیسی و اولی هۆجۆمینگ باش توتانی غازی مصطفی کمال آتاتۆرک و یاراغداشلارینی حوُرمات بیلن یاد ادیأرین. مۆنگ ییلدان بأری بو واطانی قوُراماق اۆچین جانلارینی پیدا ادن بۆتین شهیتلریمیزه آلله دان رحمت دیله یأری. غازیلاریمیزینگ ساغلیقلی یاشاییشینی آرزوو ادیأرین. 30-نجی آگوست ینگیش بایرامیمیز قوتلی بوُلسون" دییپ بیلدیردی.
دِگیشلی حابارلار
تۆرکیه بیلن فلسطین ینگ آراسیندا ایکی ایلالاشیق قابول ادیلدی
تۆرکیأنینگ بیک میللت مجلیسینده تۆرکیه بیلن فلسطین ینگ آراسیندا قوُل چکیلن ایلالاشیقلار قابول ادیلدی
تۆرکیه ترورچیلیق بیلن گؤرهشه دوُوام ادیأر
11 ولایاتدا ترورچیلار تاراپیندان قوللانیلیان 92 قوُواق و هین یوُق ادیلدی