چاووش اوُغلی: گۆن دوُغار آقدنگیزده دارتغینلیغی یوُقارلادان یونان دیر
چاووش اوُغلی آلمان ایشدشی بیلن دوشوشیق گچیردی
تۆرکیأنینگ داشاری ایشلر وزیری مولود چاووش اوغلی "گۆن دوُغار آق دنگیزده دارتغینلیغی یوُقارلادان بیز دأل، یونان دیر" دیدی.
داشاری ایشلر وزیری رسمی ساپار اۆچین آنکارا گلن ماس بیلن اوُرتاق مطبوغات کنفرانسیندا بیانات بردی.
چاووش اوُغلی،
"(یونانا) بو کِلچِهکلیگیندن اِل چکینگ. بیرنأچه یوردونگ چیشیرمه گی بیلن اؤزۆنگیز اۆچین ریسک دؤرهتمأنگ" دیدی.
چاووش اوُغلی یونانا "یالنگیش ایش آلیپ بارسانگیز الیمیزدن یالنگیشلیق بیلن بیر ایش چیقماز، نأمه اتمه لی بوُلسا اوُنی ادریس" دیدی.
تۆرک وزیر،
"یونان تۆرک گأمیلری نینگ اؤنگۆنه آتماق اۆچین سینانشان یورتلارا آلدانماسین. بیز قوُنگشیدیرس. بیز عادالاتلی پایلاشیغینگ تاراپداری" دیدی.
آلمانیانینگ داشاری ایشلر وزیری هایکو ماس دا،
"(گۆن دوُغار آق دنگیزدأکی) حوُوپلی یاغدای باراسیندا گِنگه شدیک. بو مسئله دینگه اوروپا بیله له شیگی بیلن دأل، ناتو بیلن ده باغلانشیقلی. یاغدای اؤرأن ریسکلی" دیدی.
دارتغینلیغینگ یوُقارلاماغی نینگ نه اوروپا بیله له شیگینه، نه یونانا نه ده تۆرکیأ پیدا یتیرمهجکدیگینی آیدان آلمان وزیر،
"بو مسئله دیپلماسی بیلن چؤزۆلر. بو یرده دیالوگ اۆچین نیت بار. اوروپا بیله له شیگی نینگ ایچینده سیاسی شرطلر دؤرهدیلمه لی" دیدی.
دِگیشلی حابارلار
فیدان فلسطینلی اِگیندِشی بیلن دوشوشدی
تۆرکیأنینگ داشاری ایشلر وزیری فلسطین ینگ باش وزیری و داشاری ایشلر وزیری بیلن دوشوشدی
أردوُغان قازاغیستان ینگ باش وزیرینی قابول اتدی
تۆرکیأنینگ جمهورباشلیغی رجب طیب أردوُغان قازاغیستان ینگ باش وزیری اولجاس بکتنوف بیلن دوشوشدی