ایاصوفیا مِتجیدینده ییللاردان سوُنگرا ایلکینجی جومغا نامازی

آیاصوفیا متجیدی شو گۆن اوُقالجاق جومغا نامازی بیلن 86 آییل آرادان سوُنگرا ینه مِتجیت حؤکمۆنده آچیلیار.

تۆرکیأنینگ دیانت ایشلری اداراسی نینگ تاراپیندان گچیریلیأن دوُغا داباراسی باشلادی.

بیرنأچه سوره اوُقالاندان سوُنگ دیانت ایشلری قوراماسی نینگ باشلیغی علی أرباش دوُغا اوُقار.

ایاصوفیای کبیر متجیدینده ایلکینجی جومغا نامازینی اوُقاجاق بوُلان ایلدشلر ایر ارتیر بیلن متجیده گلدی.

کروناویروس بیلن باغلانشیقلی دا چأره لر گؤرۆلیأر و ایلدشلر ماسک داقیپ اللرینی یوویپ بیر گِزه ک اولانیلجاق نامازلیقلاری بیلن ایچری گیریأر.

تۆرکیأنینگ جمهورباشلیغی رجب طیب أردوُغان، جمهورباشلیغینگ اوُرونباساری فواد اوکتای، تۆرکیأنینگ بیک میللت مجلیسی نینگ باشلیغی مصطفی شن توُپ، آراقاتناشیق اداراسی نینگ باشلیغی فخرالدین آلتون، ساغلیغی قوُراییش وزیری فخرالدی قوُجا و میللتچی حرکت پارتیاسی نینگ باشلیغی دؤولت باغچالی بیلن بیله لیکده ایاصوفیا متجیدینه گلدی.

کؤپ سانلی داشاری یورتلی ژورنالیست دا بو دابارا اۆچین ایاصوفیا متجیدینه گلدی.

مسلمان یورتلار و عاراپ دۆنیأسیندن گلن ژورنالیستلار گؤنی افیردن ایاصوفیانی گؤرکِزیأر.

متجیدینگ ناماز اۆچین طایارلانماغی توییتردان دا #AyasofyaCamii اتیکتی بیلن حابار بریلیأر.

بو اتیکت دۆنیأده توییترینگ بیرینجی هشتگی بوُلدی.

دابارالار تۆرکیأنینگ جمهورباشلیغی رجب طیب أردوُغان ینگ سوسیال مدیا حاساپلاریندان گؤنی یاغدایدا گؤرکِزیلیأر.