۲۵ ییلدان سوُنگرا سربرنیتسا: ت. ر. ت ورلد فوُروم سربرنیتسا قیرغینچیلیغی بیلن قیزیقلانار
ت. ر. ت ورلد فوُروم سربرنیتسا قیرغینچیلیغی بیلن قیزیقلانیار
![۲۵ ییلدان سوُنگرا سربرنیتسا: ت. ر. ت ورلد فوُروم سربرنیتسا قیرغینچیلیغی بیلن قیزیقلانار](http://cdn.trt.net.tr/images/xlarge/rectangle/5c81/8083/ca30/5f046f996cd56.jpeg?time=1719314111)
ت. ر. ت ورلد فوُروم ینگ گچیریأن "دیجیتال گِپله شیک" پروگرامماسی، سربرنیتسا قیرغینچیلیغی نینگ 25-نجی ییلیندا، میهمانلارینگ قاتناشماغیندا بیر هپده بوُیونچا اوُتورشیقلار گچیرر. بو اوُتورشیقلاردا 8 مۆنگدن کؤپ بوسنیالی یؤنه کی رایاتینگ قیریلماغی "انسان حاقلاری، ساواش گۆنألری و قوراغ جوُغاپکأرلیکلری" مسئله سی گنگه شیلر.
ت. ر. ت ورلد فوُروم تاراپیندان گچیریلجک دیجیتال گپله شیکلرینگ بیرینجی بؤلۆمی شو گۆن (7-نجی ایول) "۲۵ ییلدان سوُنگرا سربرنیتسا: قیرغینچیلیغینگ قالان ایزی" آدیندا ساغات 20-ده ت. ر. ت ورلد فورومینگ یوتیوب، توییتر و فیس بوک حساپلاریندان گؤنی افیردن بریلر. سربرنیتسانینگ یاتلاما غازناسی نینگ باشلیغی دکتر وقار عزمی بو ماصلاحاتدا چیقیش ادر. ماصلاحاتدا ایلالاشیغا پأسگل برن سبأپلر، قیرغینچیلیغا یالان دییأنلرینگ استراتژیلری، صرب جمهوریتیندن آیریماق باراسینداقی چاغیریشلارینگ ایلالاشیغا نأحیللی تأثیر یتیرندیگی یالی مسئله لره قارالار.
هپده بوُیونچا گچیریلجک بیله کی اوُتورشیقلار شیله:
8-نجی ایول- چهارشنبه ساغات 20
"اوُزالقی یوگسلاوی جزا قاضیه تی و ساواش گۆنألری نینگ قارالاوچیسی" دکتر نونکا ترومپ ورکیچ، آمستردام بیلیم یوردونینگ موغاللیمی
10-نجی ایول آننا گۆنی ساغات 20
"سربرنیتسادا حالقارا عادالات نأحیللی ینگیلدی؟" سر جفری نایس، اوُزالقی یوگسلاوی ده ادیلن جنایاتلار اۆچین قورالان حالقارا جزأ قاضیه تینده گۆنألرینه قارالان یوگسلاوی نینگ اوزالقی یوُلباشچیسی اسلوبودان میلوسوویچ ینگ قارالاوچی قاضیسی.
11-نجی ایول شنبه گۆنی ساغات 20
"بوسنیا ساواشی و سربرنیتسا قیرغینچیلیغی نینگ انسانی اؤلچِهگی" کاترین بومبرگر، حالقارا درِکسیز ییتنلر کمیسیونی نینگ باشلیغی
قاتناشانلار ت. ر. ت ورلد فوُروم ینگ سوسیال مدیا حاساپلاریندان بو اوُتورشیقلاری ایزارلاپ بیلر:
Youtube: @trtworldforum
Facebook: @trtworldforum
Twitter: @trtworldforum
سربرنیتسادا نأمه بوُلوپدی:
یوردونگ گۆن دوُغارینداقی سربرنیتسانینگ 1995-نجی ییلینگ ایول آیی نینگ 11-ینده راتکو ملادیچ ینگ باش توتانلیغینداقی صرب پۆیچلری تاراپیندان باسیپ آلینماغیندان سونگ بیرلشن میللتلر قوراماسی نینگ گۆیجی بوُلان هلندلی گۆیچلره سئغئنان بوسنیالی یؤنه کی رایاتلار صرپلارینگ الینه بریلدی.
زنانا و چاغالارینگ بوسنیالی عسگرلرینگ بوُلان یرینه گیتمه گینه روغصات برن صربلار اینگ آز 8 مۆنگ 372 بوسنیالی یؤنه کی رایاتی توُقایلاردا، کأرحانالاردا و آمبارلاردا واغشیچا اؤلدۆردی و هممه سی نینگ جسدینی توُپلیجا گؤمدی.
ساواشدان سوُنگرا ییتنلری تاپماق اۆچین آلیپ باریلان ایشلرده بو قوُنامچیلیقلاردا بیله لیکده یاتان جستلر تاپیلدی. هر ییل 11-نجی ایول دا بو قیرغینچیلیغا قوربان گیدنلر 11-نجی ایول دا پوتوچاری یأدیگأرلیک قوُنامچیلیغیندا یاتلانیار.
دِگیشلی حابارلار
![هاکان فیدان لهستان دا ساپاردا بوُلار](http://cdn.trt.net.tr/images/medium/rectangle/6c0a/43ad/6085/6663debb7cf03.jpg?time=1719314111)
هاکان فیدان لهستان دا ساپاردا بوُلار
فیدان ارتیر تۆرکیه- رومانیا- لهستان ینگ اۆچ تاراپلی ماصلاحاتینا قاتناشماق اۆچین لهستان دا بوُلار
![سیاحاتچیلار اۆچین تاتوان ترن ساپارلاری باشلادیلدی](http://cdn.trt.net.tr/images/medium/rectangle/c52d/82fd/2287/667a66c1bd952.jpg?time=1719314111)
سیاحاتچیلار اۆچین تاتوان ترن ساپارلاری باشلادیلدی
قاتناو وزیری نینگ اوُرونباساری عثمان بویراط آنکارانینگ دمیریوُل دورالغاسینداقی دابارا قاتناشدی