تۆرکیه- روسیا- ایران ماصلاحاتی اؤز ایشینی تاماملادی

ویدئوکنفرانس آرقالی گچیریلن تۆرکیه- روسیا- ایران ماصلاحاتی اؤز ایشینی تاماملادی.

آستانا اِتابیندا 6-نجیسی گچیریلن "سوریه" مسئله سی باراسینداقی ماصلاحاتا تۆرکیأنینگ جمهورباشلیغی رجب طیب أردوُغان، روسیانینگ دؤولت یوُلباشچیسی ولادیمیر پوتین و ایران ینگ جمهورباشلیغی حسن روحانی ویدئو کنفرانس آرقالی قاتناشدی.

أردوُغان ماصلاحاتدا ادن چیقیشیندا "تۆرکیه حؤکمۆنده دارتغینلیغینگ باشیندان بأری سوریه لی دوُغانلاریمیزا قوُلداو بردیک. دیلینه، دینینه و کیملیگینه قارامازدان سوریه لی میلیونلارچا بوُسغونا قوجاق آچدیق" دیدی.

سوریأنینگ ترور قورامالاری آرقالی بؤلۆنمه‌زلیکی اۆچین اۆنسلی چِمه‌له‌شیأندیکلرینی آیدان أردوُغان "قوُنگشیمیز سوریه ده قیسغا واغتدا دورنوقلیلیغینگ و حوُوپسوزلیغینگ اۆپجۆن ادیلمه گی اۆچین الیمیزدن گلنی ادریس. آستانا اِتابی نینگ حمایاتکأر یورتلاری حؤکمۆنده ادیلجک حیذماتداشلیق سوریأنینگ گلجگینده اولی رُل اوُینایار" دیدی.

پرزیدنت أردوُغان تۆرکیأنینگ، سوریأنینگ توُپراق بیتولیگینه اولی أهمیت بریأندیگینی بِلله دی.

تۆرکیه- روسیا- ایران ماصلاحاتینا قاتناشان یوُلباشچیلار تاراپیندان جِملِه‌ییجی جارناما قابول ادیلدی.

جمله ییجی جارناما گؤرأ یوُلباشچیلار ماصلاحاتدا سوریه ده باشدان گچیریلیأن سوُنگقی واقالاری آرا آلیپ ماصلاحاتلاشدی.

ادلب چاقنیشیقسیز زوُلاقداقی سوُنگقی یاغدای هم گۆن ترتیبینه گتیریلدی.

یوُلباشچیلار قوُنگشی یورتلارینگ میللی حوُوپسوزلیغا آبانیان حوُوپلارا قارشی برک توتوم آلیپ بارجاقدیقلارینی بیان اتدی.

سوریه دأکی دارتغینلیغینگ سوریه لیلرینگ اؤنگ باشچیلیغیندا، بیرلشن میللتلر قوراماسی نینگ یوُلباشچیلیغیندا باشلادیلان سیاسی اِتابا لاییقلیقدا چؤزۆلمه گی نینگ أهمیتینه اۆنس چکدی.

یوُلباشچیلار بوُسغونلارینگ و سوریه ده اؤیۆنی ترک ادنلرینگ، حوُوپسوز و مِیله‌تین یاغدایدا یورتلارینا دوُلانماقلاری اۆچین آمات شرطلرینگ دؤره‌دیلمه گینه اۆنسی چکدی.