ایران بیلن تۆرکیه آراسینداقی اوچار ساپارلاری 1-نجی آگوست‌دان باشلار
چاووش اوغلی: تۆرکیه، آمریکانینگ ایرانا چأکلِندیرمه (تحریم) قوُیماغینی قابول اتمه‌یأر
تۆرکیأنینگ داشاری ایشلر وزیری مولود چاووش اوغلی، تۆرکیه بیلن ایران آراسینداقی اوچار ساپارلاری نینگ 1-نجی آگوست دان (11-نجی مرداد) باشلاجاقدیغینی آیتدی.
مولود چاووش اوغلی ایستامبول داقی دوُلماباغچه کؤشگۆنده ایران ینگ داشاری ایشلر وزیری محمدجواد ظریف بیلن دوشوشدی.
ایکی وزیر دوشوشیقدان سوُنگرا مطبوغات کنفرانسینی گچیردی.
چاووش اوغلی تۆرکیه بیله ایران آراسینداقی اوچار ساپارلاری نینگ باشلاجاقدیغینا اۆنس چکدی و بؤلگه ده دورنوقسیزلیغینگ باردیغینی یاتلادیپ،
"ترورچیلیق مسئله سی هممأمیزینگ مسئله سیدیر. (آمریکا تاراپیندان) ایرانا قوِیولان یکه تاراپلی چأکلِندیرمه‌لری (تحریملری) قابول اتمه‌یأریس. لیبی مسئله سینده روسیا بیلن دوشوشیقلاریمیزدا هیچ حیلی مسئله یوُق. اوُد آچیلشیغا بس اولغامی نینگ دوُواملی بوُلماغی اۆچین تکنیک دوشوشیقلار دوُوام ادر" دیدی.
ظریف بوُلسا "تأزه گؤرنۆشلی کروناویروس یوُقانچ کسلی باراسیندا ایران ینگ حالقینا برن کؤمِکلری سبأپلی تۆرکیأ مینتدارلیق بیلدیریأرین. تۆرکیه، آمریکانینگ چأکلندیرمه سی مسئله سینده بیزینگ یانیمیزدا. لیبی مسئله سینده ده ایران بیلن تۆرکیه شوُل بیر قاراییشا ایه" دیدی.
