أردوُغان: تۆرکیه کروناویروس مسئلهسینده ۱۰۲ یوردا کؤمِک ایبردی
تۆرکیأنینگ جمهورباشلیغی؛ کروناویروس، آمریکا بیلن قاتناشیقلار، لیبی و ایاصوفیا مسئله سی باراسیندا بیانات بردی
تۆرکیأنینگ جمهورباشلیغی رجب طیب أردوُغان تأزه گؤرنۆشلی کروناویروس یوُقانچ کسلی نینگ باشلاماغیندان سونگرا 102 یورت تۆرکیه دن کؤمِک آلدی دیدی.
أردوُغان ت. ر. ت کانالیندا گۆن ترتیبی نینگ ایلری توتولیان اوغورلاری باراسیندا بیانات بردی.
تۆرکیأنینگ کووید- 19 بیلن گؤره ش مسئله سینده بۆتین دۆنیأده گؤرهلده بوُلان تاغاللاسینی یاتلادان أردوُغان،
"کروناویروس دینگه تۆرکیأ دأل، ایسه م بۆتین دۆنیأ تأثیرینی یتیردی. دۆنیأدأکی یورتلارا برن ضِلِلی بار. باشدا آمریکا، حیتای و روسیا بوُلماق بیلن دۆنیأ یورتلاری اولی ضلل گؤردی. آمریکادا 45 میلیون آدام ایشینی الدن بردی دییلیأر. تۆرکیه حؤکمۆنده ینه شو ییلینگ ایلکینجی اۆچ آییندا ایقدیصادی اؤسۆش تایدان دۆنیأده بیرینجی بوُدی. ایقدیصادی اؤسۆشیمیز 4.5 گؤتریم. ترورچیلیق بیلن ادن اورشومیزا دا آرا برمهدیک و اۆزنۆکسیز دوُوام ادیلیأر. ساغلیغی ساقلاییش مسئله سینده ده 102 اۆلکأ لوقمانچیلیق کؤمِگینی ایبردیک" دیدی.
یرلی و میللی اکسیژن انجامی نینگ اؤندۆریلمه گی بیلن، اولی ایسلهگلر بوُلاندیغینا اۆنس چکن أردوُغان، کووید- 19 کسلینه قارشی واکسن و درمان اۆچین ادیلیأن ایشلرینگ باردیغینی آیتدی.
أردوُغان ساغلیق سیاحاتچیلیغی باراسیندا دا ایش آلیپ باریلیاندیغینی و شونونگ بیلن کرونا سبأپلی مؤوسۆملیک سیاحاتچیلیقداقی ضِلِلینگ اۆپجۆن ادیلجکدیگینی بوشلادی.
تۆرکیأنینگ جمهورباشلیغی، آمریکا بیلن تۆرکیه آراسینداقی قاتناشیقدا تأزه بیر دؤورۆنگ باشلاجاقدیغینی دا یاتلاتدی.
آمریکانینگ یوُلباشچیسی دونالد ترامپ بیلن تلفن آرقالی گپله شیگی بوُلاندیغینی آیدان أردوُغان،
"(آمریکا قاچان) فت الله چی ترور قوراماسی (فتؤنینگ) آغضالاری نینگ آدلارینی اوُنگا بردیک. ترامپ دا ایبرن ماغلوماتینگیزی آلیپ ایشه باشلارین دیدی" دییپ بلله دی.
دوشوشیغیندا لیبی مسئله سی نینگ أهمیتلی بوُلاندیغینا اۆنس چکن رجب طیب أردوُغان،
"تۆرکیه بیرلشن میللتلر قوراماسی نینگ رسمی یاغدایدا تانایان حؤکۆمتی بولان سراج-ی قوُلدایار. اونونگ قارشیسیندا آغدارلیشیقچی بیر حفتر بار. حفترینگ یانیندا کیم بولسا بیز اونگا قارشیدیرس. شو واغتا چنلی کؤپ یرلر یانگاداندان آلیندی. بو مسئله حفتری دأرلیتدی. اولار قاچیار و سراج توُپاری قاوالایار. ایتدی سرت شهری اۆچین ایشه باشلادیلار. ماقصات سرت ینگ تؤوهرهگینی آلیپ سرت شهرینی کنترل آستینا آلماق. بو روسیانی بینجالیق ادیأر. حفترینگ شیله بیر دردی یوُق، اوُل بۆتین گۆیجۆنی روسیادان آلیار" دیدی.
"دوشوشیقلاریمیزدان سوُنگرا آمریکا- تۆرکیه آراسیندا تأزه بیر قاتناشیق باشلاپ بیلر، ایلالاشان مسئله لریمیز بوُلدی" دیه ن أردوُغان لیبی دأکی یاغدایلار باراسیندا روسیانینگ دؤولت یوُلباشچیسی ولادیمیر پوتین بیلن ده دوشوشجاقدیغینی بیلدیردی.
تۆرکیأنینگ جمهورباشلیغی، 25-نجی مای دا آمریکانینگ مینه سوتا ایالتینده پلیسینگ آشاگۆیجی سبأپلی آرادان چیقان جرج فلوید بیلن باغلانشیقلی سوراغا،
"جرج فلویدینگ اؤلدۆریلمهگی اتنیک پارازلیغینگ گؤرکِزیجیسی. ویجدانا ایه بیر آدام هیچ حیلی بو یاغدایا قابول ادیپ بیلمهز" دیدی.
أردوُغان آمریکاداقی یؤریشلرده تالان و دارتغینلیق گؤرکِزهن آنتیفا باراسیندا،
"(آیرالیقچی ترور قوراماسی پ. ک. ک/ ی. پ. گ نینگ) آنیتفا دییلیأن آمریکاداقی ترور قوراماسی بیلن ایشلهشمهگی اؤرأن ماغنالی. بو مسئلأنی حوُرماتلی ترامپ-آ دا آیتدیم" دیدی.
سونگقی گۆنلرده یونان دان ایاصوفیا مسئله سینده آیدیلان زاتلارا دا اۆنس چکن و یونانلیلارینگ بو مسئله دأکی قاراییشینی برک یازغاران أردوُغان،
"بیزه ایاصوفیانی متجیت اتمأنگ دییأرلر، تۆرکیأنی سیز دولاندیریانگیز می؟ اؤزۆنگیزه گلینگ. اگر اؤز چأکلرینگیزی بیلمهیأن بوُلسانگیز اوُندا تۆرکیأنینگ اتجک زاتلاری بِللیدیر" دیدی.
دِگیشلی حابارلار
أردوُغان قازاغیستان ینگ باش وزیرینی قابول اتدی
تۆرکیأنینگ جمهورباشلیغی رجب طیب أردوُغان قازاغیستان ینگ باش وزیری اولجاس بکتنوف بیلن دوشوشدی
الیسا فریرا: تۆرکیه بیلن اوروپا بیله له شیگی نینگ قاتناشیقلاری یوُقارلامالیدیر
الیسا فریرا غازی آنتپ ولایاتی نینگ حأکیمی کمال چبر و شهر حأکیمی فاطما شاهین بیلن دوشوشدی