أردۇغان: ادلب ایلالاشیغی نینگ مؤهۆم نتیجه لری بۇلار

تۆرکیأنینگ جمهورباشلیغی رجب طیب أردۇغان تۆرکیه بیلن روسیانینگ آراسیندا قازانیلان ادلب ایلالاشیغی نینگ مؤهۆم نتیجه لری نینگ بۇلجاقدیغینی آیتدی.

أردۇغان روسیادان قایدیشین اوچاردا ژورتالیسنلارینگ سۇراغلارینا جۇغاپ بردی.

تۆرکیأنینگ جمهورباشلیغی ادلب مسئله سینده قازانیلان ایلالاشیق حاقیندا "اسده تابینلیقداقی گۆیچلرینگ هۆجۆملرینه قارشی طایارلیقلی بۇلاریس. هایسیدیر بیر قاراشیلمادیق واقا یۆزه چیقان و ایلالاشیق باسغیلانان حالاتیندا دگیشلی جۇغابی برریس" دیدی.

أردۇغان سوریه ده بیرلشن میللتلر قوراماسی نینگ حۇوپسوزلیق گنگه شی نینگ ۲۲۵۴ بِلگیلی قارارینا لاییقلیقدا سیاسی اِتابینگ باشلاماغینی و سوریه ده ایچرکی اورشونگ بس ادیلمه گینی ماقصات ادینیأندیکلرینی بِلله دی.

ادلب ینگ روسیا بیلن تۆرکیأنینگ آراسینداقی واقالار بۇلماندیغینی نیغتان أردۇغان، "ادلب ده بیزینگ قارشیمیزدا روسیا دأل، اسده تابینلیقداقی گۆیچلر بار" دیدی.

تۆرکیه دن اوروپا گیتمه ک اۆچین یۇلا چیقان بۇسغونلار بارادا هم دوروپ گچن تۆرکیأنینگ جمهورباشلیغی "یونان بیلن بو اتاپدا هیچ زادی جدِللـِشمه‌ریس. بو ایش قوتاردی. بۇغونلاری زور بیلن یوردومیزدان چیقارمایاریس، اۇلار اؤز ایسله‌گلرینه گؤرأ گیدیأرلر" دیدی.

گۆن باتار یورتلاری نینگ بۇسغونلار مسئله سینه ایکی یۆزلی چِمه‌له‌شیأندیگینی آیدان أردۇغان "یونانا دِسسینه ۷۰۰ میلیون یورولیق یاردام برمه ک اۆچین سؤز بردیلر. ۷۰۰ میلیون یورو بیله ده دورسون، بیزه آلمانیانینگ باش وزیری مرکل ۲۵ میلیون یورو برجکدیگینی آیدیپدی اِمما قینانساق دا هنیزم شۇل پولدان هیچ حیلی حابار یۇق" دیدی.

رجب طیب أردۇغان روسیانینگ دؤولت یۇلباشچیسی ولادیمیر پوتین بیلن دۆین لیبی مسئله سی حاقیندا هم پیکیر آلیشاندیقلارینی یاتلاتدی.