أردۇغان: تۆرکیه پأکیستانا قۇلداو برمأگه دۇوام ادر

تۆرکیأنینگ جمهورباشلیغی رجب طیب أردۇغان تۆرکیأنینگ، ترورچیلیق بیلن ساواش اتمه‌ک باراسیندا پأکیستانا قۇلداو برمأگه دۇوان اتجکدیگینی آیتدی.

أردۇغان پأکیستان داقی دوشوشیقلاری نینگ ایکینجی گۆنۆنده پأکیستان ینگ میللی مجلیسی و سنا مجلیسی نینگ اۇرتاق اۇتورشیغیندا بیانات بردی.

"پأکیستان حالقی نینگ آزات ادیلشیک ساواشیمیز زامانیندا اؤز چؤره‌گیندن کسیپ بیزه ایبرن کؤمِکلرینی اونوتمادیق. ایندی ده بیزینگ اۆچین کشمیر شیله یاغدایدادیر" دیه‌ن تۆرکیأنینگ جمهورباشلیغی،

"گۆرلِه‌مه‌ک واغتیندا دموکراسی و انسان حاقلارینی دیلیندن دۆشۆرمه‌یأنلر ترورچیلاری حالاص اتمه‌ک اۆچین بیرلِه‌شِنده، پأکیستان بیزینگ حاقلی گؤره‌شیمیزده گۆیچلی بیر یاغدایدا تۆرکیأنینگ یانیندا دوریار" دیدی.

مالی حرکت ماصلاحاتیندا، سیاسی باسیش ادیلن پأکیستانا کؤمِک برجکدیکلرینی آیدان أردۇغان،

"ترورچیلیق بیلن گؤره‌ش ادن پأکیستانا قۇلداویمیزا دۇوام ادریس" دیدی.

أردۇغان ادلب دأکی واقالار باراسیندا دا

"ادلب بیلن باغلانشیقلی سۇنگقی گۆنلرده أدِن أدیملریمیزینگ ماقصادی، ۴ میلیون گۆنأسیزینگ، رژیمینگ چلک بمبالاری نینگ آشاغیندا جان برمه‌گی نینگ اؤنگۆنه گچمه‌کدی" دیدی.

"لیبی دنی منه چنلی چاقنیشیق بۇلان هر یرده تۆرکیأنینگ ایلکینجی ماقصادی قان دؤکۆلشیگی، ظلمی و گؤزیاشی نینگ دؤکۆلمه گینی دوروزماقدیر" دیه ن رجب طیب أردۇغان، آمریکانینگ، تۇسلاما یاقین گۆن دۇغار پاراحاتچیلیق پلانینی دا یازغاردی و

"حۇرماتلی ترامپ بیلن نتانیاهونینگ آراسیندا قدس بیلن باغلانشیقلی أدیلن أدیمی "عاصرینگ پاراحاتچیلیق پلانی" دییپ ایناندیرماغا تاغاللا ادیأرلر اِمما بو بیر باسیپ آلیش پروژه سی دیر" دیدی.

کشمیر مسئله سینه ده اۆنس چکن أردۇغان، تۆرکیأنینگ کشمیر مسئله سینده عادالاتینگ، پاراحاتچیلیغینگ، دیالوگینگ اۆستی بیلن چؤزگۆت اۆچین ادیأن تاغاللالارینا دۇوام اتجکدیگینی بیلدیردی و

"کشمیر مسئله سی چاقنیشیق و یا باسیش بیلن دأل، عادالات و دۇغرولیق اساسیندا چؤزگۆنده قۇوشوریلار" دیدی.

أردۇغان پأکیستان دا تۆرکیه- پأکیستان ایش فۇرومینا دا قاتناشار سۇنگرا بۇلسا یوردونگ باش وزیری عمران خان بیلن دوشوشار.