عمر چلیک: عسگری حرکت باراسیندا روسیا قشونینا ماغلومات بریلیپدی

عادالات و اؤسۆش پارتیاسی نینگ مطبوغات گنگه شچیسی عمر چلیک، روسیانینگ "تۆرکیه ادلب ده عسگری حرکت باشلاداندا بیزه ماغلومات برمه‌دی" دییپ اؤنگه سۆرن سؤزلری نینگ یالان بۇلاندیغینی آیتدی.

توییتر حاسابیندان بیانات برن عمر چلیک،

"روسیا ماغلومات بریلمه دیگی باراسینداقی سؤزلر دۇغری دأل" دیدی.

چلیک،

"تۆرکیه روسیا ایزی گیدرلی و اینگ چالت یاغدایدا ماغلومات بریأر. بو سۇنگقی واقادا دا ماغلومات بریلدی. ماغلومات بریلمأندیگی باراداقی سؤزلر دۇغری دأل. دۇوام ادن مکانیسم همیشه بۇلشی یالی دۇوام ادیأر" دیدی.

روسیانینگ قۇرانامق وزیرلیگی، ادلب ده ۶ تۆرک عسگری نینگ شهیت بۇلماغینا سبأپ بۇلان هۆجۆم بیلن باغلانشیقلی برن ماغلوماتیندا تۆرکیأنینگ روسیا، عسگری حرکت باراسیندا دویدوریش برمأندیگی اۆچین تۆرک عسگرلری نینگ سوریأنینگ قشونی تاراپیندان اورلاندیغینی بیلدیریپدی.