أردۇغان بیرلشن میللتلر قوراماسی نینگ سیستمینی برک تانقیت اتدی
أردۇغان: اسلام دۆنیأسی نینگ قئسماتینی ۵ یوردینگ کیفینه باغلان سیستمینگ عؤمری تاماملاندی
تۆرکیأنینگ جمهورباشلیغی رجب طیب أردۇغان بیرلشن میللتلر قوراماسی نینگ حۇوپسوزلیق گنگه شی نینگ سیستمی نینگ اۆیتگِهدیلمهگی نینگ حؤکمأنیدیگینه اۆنس چکدی.
أردۇغان مالزیادا قورالان کوالالامپور ماصلاحاتیندا چیقیش اتدی.
ماصلاحاتا ایران ینگ جمهورباشلیغی حسن روحانی بیلن قطر ینگ یۇلباشچیسی تمیم بن حمد آل ثانی بیلن بیله لیکده ۵۰-دن کؤپ یورتدان ۶۵۰ میهمان قاتناشدی.
برن بیاناتیندا بیرلشن میللتلر قوراماسی نینگ حۇوپسوزلیق گنگه شی نینگ سیستمی نینگ اۆیتگِدیلمهلیدیگینی آیدان أردۇغان،
"۲-نجی جاهان اورشی نینگ ینگیجیلری تاراپیندان اؤز بأحبیتلرینی قوراماق اۆچین قورالان، ۱.۷ میلیارد آدامینگ گلجگینی ۵ یوردونگ اؤز کیفینه باغلایان سیستمینگ عؤمری تۆکهنِندیر" دیدی.
دینگه بیرلشن میللتلر قوراماسی نینگ حۇوپسوزلیق گنگه شی نینگ دأل، اسلام حیذماتداشلیق قوراماسی نینگ دا تأزه دن سیستمه اۇتوردیلماغی نینگ ضِروریدیغینا اۆنس چکن أردۇغان،
"اسلام دۆنیأسینی دوشوشدیران پلاتفرمینگ اینگ اولی قینچیلیغی آلینان قارارلاری عامالا آشیرماقدیر. فلسطین مسئله سینی چؤزگۆده قۇوشوریپ بیلمهیأن بۇلساق، مذهپچیلیک سبأپلی بؤلگأمیز بؤلهک پاچاق ادیلن بۇلسا سبأبی بو مسئله دیر. یۇغسام اسلام دۆنیأسی گۆیچسیز دألدیر " دیدی.
اسلام دۆنیأسینی ده تانقیت ادن أردۇغان،
"انچِمه طبیغی چِشمأ، نبیته، آدامزات سانینا قارامازدان هنیز هم مسلمانلارینگ اولی بؤلهگی غاریپلیق و جهالت بیلن ساواشیان بۇلسا اۇندا یالنگیش اؤزۆمیزده دیر دییمهلیدیرس" دیدی.
اسلام دۆنیأسی نینگ اولی انرژی چشمه لرینه ایه بۇلماغینا قارامازدان ۳۵۰ میلیون مسلمانینگ آچلیق چأگی نینگ آشاغیندا بۇلاندیغینی بیلدیرن أردۇغان؛
"اینگ بای اسلام یوردی بیلن اینگ غاریبی نینگ آراسیندا پارق ۲۰۰ اِسسه دن گچیأر. دۆنیأده اۇقاپ یازانلارینگ سانی اۇرتاچا ۸۲.۵ گؤتریم اِمما بو موقدار اسلام دۆنیأسینده ۷۰ گؤتریمه قۇلای" دیدی.
بؤلگه دأکی چاقنیشیقلارینگ دوروزیلماغی نینگ گرهکدیگینی آیدان أردۇغان،
"دۆنیأده بۇلیان چاقنیشیقلارینگ ۹۴ گؤتریمی نینگ ایچینده مسلمانلار بار. شو واغت دۆنیأده ساتیلیان هر ۳ یاراغدان بیری یاقین گۆن دۇغارا گیدیأر. یاغنی مسلمانلار بیری بیرینه قورشون آتان ماحالی، بایلاشیانلار گۆن باتارلی یاراغ تأجیرلری بۇلیار" دیدی.
دِگیشلی حابارلار
فیدان فلسطینلی اِگیندِشی بیلن دوشوشدی
تۆرکیأنینگ داشاری ایشلر وزیری فلسطین ینگ باش وزیری و داشاری ایشلر وزیری بیلن دوشوشدی
أردوُغان قازاغیستان ینگ باش وزیرینی قابول اتدی
تۆرکیأنینگ جمهورباشلیغی رجب طیب أردوُغان قازاغیستان ینگ باش وزیری اولجاس بکتنوف بیلن دوشوشدی