أردۇغان: "ایسرائیل ینگ گؤدِکلیگی کأبیر یورتلاری تاراپیندان قۇلدانیار"

تۆرکیأنینگ جمهورباشلیغی رجب طیب أردۇغان، ایسرائیل ینگ گؤدِکلیگی نینگ کأبیر عاراپ یورتلاری تاراپیندان قۇلدانیاندیغینی عایان اتدی.

پرزیدنت أردۇغان، ایستامبول دا اسلام حیذماتداشلیق قوراماسی نینگ سوسیال اۆپجۆنچیلیک وزیرلری نینگ ماصلاحاتیندا چیقیش اتدی.

چیقیشیندا، بیری بیریندن دۆره‌گِه‌ی سبأپلر بیلن قئرا چکیلن اسلام یورتلاری نینگ، مۆمکینچیلیکلرینی و انرژیلرینی بۇش یره حارجایاندیقلارینی، تۆرکیأنینگ قدس دأکی و فلسطین دأکی ظلم مسئله سینده یکه قالیاندیغینی آیدان أردۇغان، ایسرائیل ینگ گؤدِکلیکلری نینگ گۆن باتار یورتلاری و کأبیر عاراپ یورتلاری تاراپیدان قۇلدانیاندیغینی بیان اتدی.

اسلام یورتلارینی بؤل، کِس، یۇق ات دۆشۆنجه سی بیلن امپریالیستلارینگ دۆشۆنجه سی نینگ یۇلونینگ دۇوام ادیأندیگینه اۆنسلری چکن أردۇغان أردۇغان "گۆن باتاردان گؤزباش آلیان حمله لره قارشی، زنانالارا، قارریلارا، ماییپلارا نأحیللی درجه ده ایه چیقیان بۇلساق، ماشغالا قورلوشیمیزی هم شۇل درجه ده قۇرادیغیمیز بۇلیار. آراقاتناشیق انجاملاری نینگ گۆن باتاردان گؤزباش آلیان دۆزۆملری نینگ یایبانگلانماغا باشلاماغی بیلن یۆزه چیقیان اؤزگِردیلیشه قارشی طایارلیقلی بۇلمالیدیرس. سرحِتلریمیزی قۇرایان ماحالیمیز، آنگ- دۆشۆنجأمیزینگ ضامون آلینماغینا سبأپ دؤره تجِک ایسله ندیک بۇشلوغی، ایسله ندیک یاریغی اینگ تیز واغتدا دۇلدورمالیدیرس" دییپ بِلله دی.

تۆرکیه دأکیلر بیلن بیرلیکده بؤلگه دأکی ۹ میلیون آداما یتن بۇسغون یۆکۆنی هیچ کیمینگ اؤز اِگینه آلماغا باتیرغایلیق گؤرکِزیپ بیلمه یأندیگینی آیدان أردۇغان، تۆرکیأنینگ تأزه یاشاییش یرلری تاسلامالارینا بیله کی یورتلارینگ واغتی بیلن قۇلداو برمأگه باشلاجاقدیغینی حابار بردی.

چیقیشیندا اسلام بیلن ترورینگ بیر یرده اولانیلماغی اۆچین تاغاللا ادیأن فرانسیانینگ جمهورباشلیغی امانوئل مکرون-آ ناراحاتلیق بیلدیرن أردۇغان، اسلام سؤزۆنینگ ماغناسی نینگ پاراحاتچیلیقدیغینی یاتلادیپ گچدی.

فرانسیادا گچیریلیأن پروتستلرینگ هم اۆستۆنده دوروپ گچن أردۇغان، "پارریس دا ساری ینگسیزلیلر چیقدی. هانی گؤز گؤره‌یلی، دوروز گؤره یلی. نأمه اۆچین دوروزیپ بیلمه‌یأرسینگ " دییپ نیغتادی.