تۆرکیه آمریکانینگ وکیللر مجلیسی نینگ قارارینی یازغاردی

تۆرکیه آمریکانینگ وکیللر مجلیسینده سوریأنینگ دمیرقازیغیندا آشاچی ترور قوراماسی ی. پ. گ/ پ. ک. ک/ س. د. گ و داعش ترور قوراماسینا قارشی گچیریلیأن پاراحاتچیلیق چشمه سی حرکتی دلیل گؤرکِزیلیپ، تۆرکیأ قارشی چأکلِندیرمه لر گیریزیلمه ک بیلن باغلی قانون تاسلاماسی نینگ قابول ادیلمه گینی برک یاغدایدا یازغاردی.

داشاری ایشلر وزیرلیگیندن مسئله بیلن باغلی بریلن بیاناتدا، "پاراحاتچیلیق چشمه سی حرکتی دلیل گؤرکِزیلیپ، یوردومیزا قارشی چأکلندیرمه قۇیولماغینی اؤز ایچینه آلیان بیر قانون تاسلاماسی نینگ شو گۆن آمریکانینگ وکیللر مجلیسینده قابول ادیلمه گینی برک یاغدایدا یازغاریاریس" دییپ بِلله ندی.

تۆرکیه ده یۇقاری درجه لی رسمیلری و یاراغلی گۆیچلرینی نیشانا آلان قانون تاسلاماسی نینگ، ناتونینگ چأگینده آلینیپ باریلیان حیذماتداشلیق روحونا ترس گلیأندیگی بِلله نِن بیاناتدا، ۱۷-نجی اکتبردا سوریه باباتیندا آمریکا بیلن باغلاشیلان ایلالاشیغینگ دۆزگۆنلرینه هم ترس گلیأندیگی حابار بریلدی.

آمریکانینگ بیتاراپلایی حأصیه تده حمله لر بیلن یۇل آلیپ بیلمه‌جِکدیگی بِللهِ‌نِن بیاناتدا، "سۇنگقی واغتلاردا حیذماتداش بیل یورت بیلن ترور قوراماسی نینگ آراسینداقی تاپاوودی اۆنسدن دۆشۆرن بیاناتلاری و آکسیالاری بیلن، ترورچیلارینگ یۇلباشچیسینی قانونیلاشدیرماغا سینانشیان آمریکانینگ رسمیلری نینگ بی تاراپلایین حأصیه تدأکی حمله لری بیلن یۇل آلیپ بیلمه‌جِکدیکلرینی بیلمه‌لیدیرلر" دییپ حابار بریلدی.