ترامپ، آمریکانینگ کۆرتلر بیله دأل، ایسه‌م پ. ک. ک بیلن ایش آلیپ بارانینی قابول اتدی
آمریکانینگ سوریه ده کۆرتلر بیلن دأل؛ ایسه‌م ترور قوراماسی پ. ک. ک بیلن حیذماتداشلیق ادیأندیگی مألیم بۇلدی
آمریکانینگ یۇلباشچیسی دونالد ترامپ یوردونگ اۇزالقی جمهورباشلیغی باراک اۇباما دؤورۆنده آمریکانینگ سوریه دأکی کۆرتلر بیلن دأل، ایسه‌م پ. ک. ک بیلن بیله‌لیکده ایشله‌شِندیگی باراداقی ماضمونی توییتر حاسابیندان پایلاشدی.
ترامپ توییتر حاسابیندا، هادسون انستیتوسی نینگ تجریبه لی یاقین گۆن دۇغار عالیمی مایکل دوریان ینگ آمریکانینگ سوریه مسئله سینده یازان یازغیسینی پایلاشدی.
دوریان "اوباما دؤورۆنده کۆرتلره دأل، ایشدشیمیز تۆرکیه جمهوریتی نینگ همیشه‌لیک دوشمانی بۇلان پ. ک. ک بیلن بیله لیکده ایشله‌شدیک. بو سیاسات بیلن تۆرک- پ. ک. ک ساواشی نینگ تۇحوملارینی اکیأریس و شۇل بیر واغتدا دا تۆرکیأنی روسیانینگ الینه بریأریس" دییپ یازیپدی.
ترامپ بۇلسا بو یازغینی اؤز توییتر حاسابیندان پایلاشدی.
ترامپ دوریان ینگ ۲۰۱۸-نجی ییلینگ یانوار آییندا واشنگتن داقی بیر پانلده گۆررۆنگلرینی آناتولی آژانسی نینگ یازغا چکن ویدئوسی بیلن پایلاشدی.
ترامپ، "سوریأنینگ دمیرقازیغیندا گؤرِن زاتلارینگیزا گِنگ قالیارسینگیز می؟ من گنگ قالمایارین. ۲۰۱۸-نجی ییلینگ یانواریندا اوبامانینگ بیزی تۆرکیه بیلن باغلانشیقلی دۆشۆرِن یاغدایینی آیدیپدیم" دیدی.
ترامپ ینگ بو پایلاشان توئیتی قیسغا واغتدا مۆنگلرچه آدام تاراپیندان حالاندی و پایلاشیلدی.
دِگیشلی حابارلار
پ. ک. ک نینگ اۆچ ترورچیسی تأثیرسیز یاغدایا گتیریلدی
تۆرکیه ترورچیلیق بیلن توتان‌یرلی یاغدایدا گؤره‌شمأگه دوُوام ادیأر
