أردۇغان: تۆرکیه ترورچیلیق بیلن گؤرهشه توتان یرلی یاغدایدا دۇوام ادر
رجب طیب أردۇغان: فرات ینگ گۆن دۇغاریندا ترورچیلارینگ بۇلماغینی قابول ادیپ بیلمِهریس
![أردۇغان: تۆرکیه ترورچیلیق بیلن گؤرهشه توتان یرلی یاغدایدا دۇوام ادر](http://cdn.trt.net.tr/images/xlarge/rectangle/745f/72ca/1540/5d6cbf4b6b717.jpg?time=1719176411)
تۆرکیأنینگ جمهورباشلیغی رجب طیب أردۇغان فرات ینگ گۆن دۇغارینداقی ترورچیلیق هینلرینی یۇق اتمهک باراسیندا توتان یرلی بۇلاندیقلارینا اۆنس چکدی.
أردۇغان عادالات و اؤسۆش پارتیاسی نینگ قونیه اداراسی تاراپیندان گچیریلن دابارادا برن بیاناتیندا ترورچیلیق مسئله سینه اۆنس چکدی.
تۆرکیأنینگ سوریه لی مظلوملارا قاپیلارینی آچیپ آدامزادینگ وجدانی بۇلاندیغینی و بۆتین دۆنیأ مرحمت و انسانلیق درسینی برندیگینی آیدان أردۇغان، تۆرکیأنینگ فرات قالقانی و زیتین دالی حرکتلرینی اتمأن بۇلاندا یوردونگ گۆن دۇغاری نینگ دۇلولیغینا ترورچیلیق کریدورینا اؤورۆلجکدیگی و بو مسئلأنینگ اؤنگۆنه گچیلمه گی نینگ قین بۇلجاقدیغینی آیتدی.
بو ایکی حرکتینگ قارانگقی ماقصاتلارا آغیر ضاربا اورادنیغینی آیدان أردۇغان شیله دۇوام اتدی:
"فرات ینگ گۆن دۇغارینی ترورچیلیق هینلردن آراسسالاماغا توتان یرلی یاغدایدا دۇوام ادریس. سوریه ده بو أدیملر أدیلیأرکأ بیله کی قۇنگشیمیز عیراق دا دا پنچه حرکتی بیلن ترورچیلارینگ هینلرینی اۆستلرینه ییقیاریس. هم سوریه هم ده عیراق دا حاربی گۆیجۆمیز یۇقارلاندا پ. ک. ک نینگ یوردومیزداقی حرکتی ده آزالیار. قورامادان قاچانلارینگ و تسلیم بۇلانلارینگ سانیندا اولی یۇقارلاما بار. سرحتلریمیزینگ ایچرسینده حۇوپسوزلیق گۆیچلریمیز ۳۶۵ گۆن، ۱۲ آی، ۲۴ ساغات؛ آراکسمه برمأنی حرکت قورایار. یاراغلی و یاراغسیز اوچارمانسیز اوچارلاریمیز ترورچیلارا دم آلدیرمایار" دیدی.
دِگیشلی حابارلار
![پ. ک. ک نینگ اۆچ ترورچیسی تأثیرسیز یاغدایا گتیریلدی](http://cdn.trt.net.tr/images/medium/rectangle/0283/4eed/bbde/646b6ebc42899.jpg?time=1719176412)
پ. ک. ک نینگ اۆچ ترورچیسی تأثیرسیز یاغدایا گتیریلدی
تۆرکیه ترورچیلیق بیلن توتانیرلی یاغدایدا گؤرهشمأگه دوُوام ادیأر