أردۇغان بیلن پوتین ینگ مطبوغات گنگه‌شی
تۆرکیه بیلن روسیانینگ جمهورباشلیقلاری نینگ اۇرتاق مطبوغات گنگه شی
تۆرکیأنینگ جمهورباشلیغی رجب طیب أردۇغان روسیا قوران ایش ساپاری نینگ چأگینده ایشدشی ولادیمیر پوتین بیلن پایتاغت مسکودا دوشوشدی.
أردۇغان بیلن پوتین اؤزآرا و تۇپارآرا گپله شیکلردن سۇنگ مطبوغاتا بیانات بردی.
پرزیدنت رجب طیب أردۇغان سوریه ده تۆرک گؤزه گچیلیک یرینه اسده تابینلیقداقی گۆیچلر تاراپیندان قورالان هۆجۆملره قارشی دگیشلی چأره لری گؤرجِکدیکلرینی و بو مسئله ده توتان یرلیلیکلرینی روسیانینگ دؤولت یۇلباشچیسی ولادیمیر پوتینه هم آیداندیقلارینی بِلله دی.
ادلب ده اسده تابینلیقداقی گۆیچلر تاراپیندان مای آییندان بأری قورالیان هۆجۆملرده آسودا ایلاتدان ۵۰۰-دن قۇوراق آدامینگ اؤلِندیگینی، ۱۲۰۰ آدامینگ یارالاناندیغینی نیغتان أردۇغان "ادلب ده ترورا قارشی گؤره ش باهاناسی بیلن آسودا ایلاتا قارشی قوری یردن و هۇوادان هۆجۆم قورالماغی قابول ادیلیپ بیلینمز" دیدی.
"سوچی ایلالاشیغینا لاییقلیقدا اؤز استۆمیزه دۆشیأن جۇغاپکأرچیلیگی دینگه اسده تابینلیقداقی گۆیچلرینگ هۆجۆملرینی بس اتمه گی بیلن یرینه یتیرریس" دیه ن أردۇغان، "اسده تابینلیقداقی گۆیچلرینگ سرحتلریمیزده قورایان هۆجۆملری سبأپلی دگیشلی چأره لری گؤره ریس" دییپ بِلله دی.
روسیانینگ دؤولت یۇلباشچیسی ولادیمیر پوتین هم روسیا بیلن تۆرکیأنینگ آراسینداقی دۇستلوقلی قاتناشیقلارینگ اؤزآرا بأحبیده اساسلانیاندیغینی آیتدی.
روسیا بیلن تۆرکیأنینگ سوریأنینگ دارتغینلیغی نینگ چؤزۆلمه گی اۆچین آستانا اتابی نینگ چأگینده اولی تاغاللا ادیأندیگینی نیغتان پوتین "تۆرکیه جمهوریتی نینگ جمهورباشلیغی بیلن ادلب ده ترورچیلارینگ اۇرتادان آیریلماغی اۆچین دگیشلی چأره لرینگ گؤرۆلمه گی مسئله سینده ایلالاشیق قازاندیق" دیدی.
"ادلب دأکی یاغدایا آلادا بیلدیریأریس" دیه ن پوتین، تۆرکیه بیلن ترورچیلارینگ یۇق ادیلمه گی اۆچین قۇشماچا چأره لرینگ چأگینی کِسگیتله‌دیک" دیدی.
دِگیشلی حابارلار
پ. ک. ک نینگ اۆچ ترورچیسی تأثیرسیز یاغدایا گتیریلدی
تۆرکیه ترورچیلیق بیلن توتان‌یرلی یاغدایدا گؤره‌شمأگه دوُوام ادیأر
