تۆرکیهده بۇسغون استراتژیسی نأحیللی بۇلمالی
آنکارا ییلدیریم بیازیت بیلیم یوردونینگ سیاسی عیلیملار فاکولتهتی نینگ باشلیغی پروفسور قدرت بلبل ینگ یازغیسینی اۇقایارسینگیز
تۆرکیه بیله کی یورتلار بیلن دِنگِشدیریلنده تاریحی بۇیونچا اینگ کؤپ گؤچۆلِن یورتدیر. تۆرکیه همیشه گۆن دۇغاردان، گۆن باتاردان، گۆن اۇرتا و دمیرقازیقدان گؤچ آلان یورت بۇلدی. شو گۆنکی گۆن ده تۆرکیه بؤلگه سینده دورنوقلیلیق آداسی حؤکمۆنده یورتلاریندا چکن اِجیرلری سبأپلی کؤپ یردن گلمهک ایسله یأنلرینگ ماقصادیدیر. یوردومیزا قورالان اولی گؤچ ایسلهگلرینه قارشی نأحیللی استراتژی آلینیپ باریلار؟
بو مسئله ده آیتجاق زادیم ایلکی بیلن دۇغری یاغدایدا اوغروقدیریلسا گؤچ ادیلشیگینگ یورتلارا کؤپ قۇشانت قۇشماغیدیر. بیز گؤچ ادیلشیگینگ چاغالاریدیرس. اوزاق مدنیت یؤریشیمیز بیر گؤچ یؤریشیدیر. بو یؤریشده عادالات، پایلاشیق، بیله لیکده یاشاماق، کؤپچۆلیکلیلیک، حۇش نیتلیلیک، کؤپ مدنیتلیلیک یالی شو گۆن آدامزادینگ اینگ کؤپ کۆیسهیأن زادی تۆرکیأنی تۆرکیه ادن اولی أهمیتلی قیمماتلیقلاردیر. اِمما گؤچ ادیلشیگینگ یورتلارا برن قۇشاندی بیله کی یازغیلاردا یازیلیپ بیلینر.
آنکارا ییلدیریم بیازیت بیلیم یوردونینگ سیاسی عیلیملار فاکولتهتی نینگ باشلیغی پروفسور قدرت بلبل ینگ یازغیسینی اۇقایارسینگیز
آناتولی گؤچ ادیلشیک یریدیر
مسلمان تۆرکلردن اۇزال دا گچیلمه یری و بیر یۇل بۇلان آناتولا اولی گؤچلر بۇلدی. مسلمان تۆرکلرینگ آناتولا کؤپ یاغدایدا گلمه گی مۆنگۆنجی ییلدا باشلایار. تۆرکلرینگ آناتولا گلمه گیندن سۇنگرا، تاریحدا بیر قیرغینچیلیق، اورش و بیله کی یورتلاردا بۇلشی یالی جمغیتچیلیک قیرغینچیلیغینی یازمایار. بو یاغدای، آناتولی نینگ شۇل واغتلار حۇراسان دان گؤچۆپ گلنلرینگ قیلیق حأصیهتینه ایه بۇلاندیغینی آنگلادیار.
آناتولا گؤچ ادیلشیک دینگه ۱۰۰۰-نجی ییلدا قالماندیر. ۱۸ و ۱۹-نجی عاصیرلاردا بالکان و قفقازدا بۇلان قین یاغدایلار سبأپلی بو یره کؤپ سانلی آدام گؤچِندیر. بو گؤچ ادیلشیگی جمهوریت دؤورۆنده گؤرمه ک ده مۆمکین.
تۆرکیأ سۇنگقی گؤچ ادیلشیک تۇلقونی تئودور ژیکووینگ ظلمی سبأپلی ۱۹۸۹-نجی ییلدا بلغاریستان تۆرکلری نینگ گؤچمهگی. ژیکوف شۇل دؤوۆرده "تۆرکلر بلغاریستان دان چیقمان حالاتیندا بلغاریستان دیه ن بیر یر قالماز، بلغاریستان باشغا بیر قبرس بۇلار" دیدی.
قیسغاچا آیتجاق بۇلساق، آناتولی جغرافیاسی آدریاتیک دن حیتای بندینه، تۆرکیأ کؤنگلۆنی برن آداملار اۆچین همیشه ایکینجی اؤی بۇلوپ قینچیلیق چکن ماحاللاری گلیپ بیلجک بیر یری بۇلاندیر.
تۆرکیه دینگه تۆرکلر و مسلمانلارینگ گؤچۆپ بیلجک یری بۇلمادی. تۆرکیأنینگ مسلمان بۇلمادیق آداملارینگ دا گؤچِن یوردی بۇلماغینی گؤرکِزمهک اۆچین کؤپ سانلی میثال بار. میثال اۆچین ۳۰۰ ییل اۇزال اوروپادان قۇویلان یهودی حالقی و هیتلرینگ باسیشی سبأپلی آلمانیادان قاچان یهودیلر ینه تۆرکیأ سیغیندی.
آناتولی دان گؤچ ادیلشیکلر
تۆرکیه یا دا آناتولی دینگه گؤچ آلان یر دأل، شۇل بیر واغتدا اولی یاغدایدا گؤچ ادیلن بیر جغرافیادیر. آناتولی عثمانلی نینگ دینگه عسگر دأل، شۇل بیر واغتدا تأزه یرلره گیدنده تأزه یاشاییش یرلری آچماغی اۆچین آدامزات چشمه سی بۇلاندیغی دا بِللیدیر. ایلایتا دا بالکان یورتلارینا آناتولی دان اولی مؤچبِرده گؤچۆلِندیر. بالکان دا اۆچ سانی قونیه آدیندا یر باردیغی آیدیلیار. آناتولی دان داشاری یورتلارا سۇنگقی گؤچ ادیلشیکلر ۱۹۶۰-نجی ییللاردا بۇلان گۆۇن باتار یورتلارینا ایشچی گؤچمهگیدیر. شو گۆنکی گۆنده رسمی سانلارا گؤرأ گۆن باتار یورتلاریندا ۵ میلیون تۆرک بار. من سانا آلینمادیق یا دا تۆرک رایاتلیغیندان چیقانلار بیلن بیله لیکده بو سانینگ اؤرأن کؤپ بۇلاندیغینی چاق ادیأرین.
شو گۆنکی یاغدای
تۆرکیأ شو گۆن ده بالکان، یاقین گۆن دۇغار، تۆرک دۆنیأسی و اوزاق گۆن دۇغاردان اولی مؤچبِرده گؤچۆلیأر. سۇنگقی دؤوۆرده سوریه دن اولی گؤچ تۇلقونینی گؤریأریس. بو گؤچ ادیلشیگینگ اولی بیر سبأبی بۇسغونلارینگ بؤلگأمیزدأکی یورتلارا و گۆن باتارلی یورتلارینگ توتومینا قارامیزدا تۆرکیأنینگ داشیندا گیدیپ بیلجک کؤپ یرلری بۇلمازلیغیدیر. بو گؤچ ادیلشیگینگ اساسی سبأبی بۇلسا دۇغدوق دیارلارینداقی قینچیلیقلار، امپریالیست یورتلارینگ استراتژیسی و شونگا منگزش سبأپلر بیلن اؤز یورتلاریندا یاشاییش شرطلری نینگ مۆمکین بۇلمازلیغیدیر.
تۆرکیه شو گۆن دینگه سوریه، ایران، عیراق، اۇوغانیستان، لیبی، حیتای، روسیا، اوکراینا و آفریقا یورتلاری یالی اۆلکه لردن دأل ده گۆن باتارلی یورتلاردان دا گؤچ آلیار. گۆن باتارداقی ایقدیصادی دورغونلیق و یۇقارلان اسلام و تۆرکلره قارشی حرکتلر سبأپلی موندان اۇزال شۇل یورتلارا گیدن آداملارینگ بیر بؤلهگی ایزینا قایدیار و چاغالاری نینگ بیر بؤله گی تۆرکیأ گلمه ک اۆچین ایش بارلایار.
اۇزالقی ییللاردا دۆشۆنیپ بیلهجِگیمیز زات بار، گۆن باتاردا یاشایان رایاتلاریمیزینگ چاغالاری تۆرکیه ده اۇقاماق ایسله یأر.
گۆن باتارلی یورتلاردا، بالکان یورتلاریندا، کریمه و اویغور بؤلگه سینده یاشایان قین یاغدایلاری سبأپلی بو بؤلگه لر بیلن ایلتِشیکلی جمغیتچیلیکلر اولارینگ تۆرکیأ یرله شمهگینی یادا تۆرکیأ قایتماغینی ایسله یأر.
گۆن باتاردا و گۆن دۇغاردا، یوردوندا تۆرک و مسلمان ایسله مه یأن یورتلار و اِتنیک پاراز تؤوهرِکلر ده دۆرلی مکانیزملار بیلن، شۇل یرده یاشایان آداملاریمیزی یاشاییش یرلرینی ترک اتمه ک اۆچین اولاا قینچیلیق دؤره دیأر.
ایلایتا دا کریمه و اویغور مسئله سینده بۇلشی یالی، بو یردأکی قارینداشلاریمیز بیرنأچه امپریالیست یورت تاراپیندان روسیا و حیتایا ضلل برمه ک اۆچین اولانیلیار، اؤز سیاساتلاری اۆچین پیدالانیلماق ایسله نیأر.
هۇوا، بؤلگه سینده بیر دورنوقلیلیق آداسی، انسانلیغینگ سیغینجاق یری و وجدانی بۇلانی اۆچین تۆرکیأ بویسانیاریس. اِمما تۆرکیأنینگ یکه اؤزی بۆتین بو مؤچبری کؤپ بۇلان گؤچ تۇلقونینی جۇغاپلاپ بیلمهگی مۆمکین دأل. استراتژیک یاغدایدا بو دۇغری دا دألدیر.
تۆرکیه داشاری یورتلاردا یاشایان و اؤزی بیلن بیر حیللی قاتناشیقلاری بۇلانلارینگ اۇلارینگ بیرنأچه گۆنباتار یوردونینگ امپریالیست ماقصاتلاری نینگ اولاغی بۇلماغینا روغصات برمه لی دأل و اؤزۆنه و ایلایتا دا بو آداملارینگ پیداسینا بۇلجاق یاغدایدا سیاساتلاری عامالا آشیرمالیدیر.
تۆرکیأنینگ دؤولت ادارالاری و جمغیتچیلیکلری نینگ داشاری یورتدا یاشایانلاریمیزینگ و ایلدشلریمیزینگ بارلانماغینی ضرور گؤره ن استراتژیسینه دگیشلی تکلیپلریمیزه ایندکی هِپده یر برریس.
آنکارا ییلدیریم بیازیت بیلیم یوردونینگ سیاسی عیلیملار فاکولتهتی نینگ باشلیغی پروفسور قدرت بلبل ینگ یازغیسینی اۇقادینگیز
