أردوغان: هیچ کیم بو میللتی دیزا چؤکِه‌ردیپ بیلمِز

فت الله چی ترور قوراماسی نینگ 2016-نجی ییلینگ 15-نجی ایولینداقی آغدارلیشیغا سینانشیغیندا پایتاغت آنکارادا بمبالان حوُوپسوزلیق اداراسی نینگ تأزه بیناسی دابارالی یاغدایدا آچیلدی.

آچیلیش داباراسینا تورکیأنینگ جمهورباشلیغی رجب طیب أردوُغان، فتؤچیلار تاراپیندان ژاندارما باش توتانلیغیندا کله سیندن اورلان حووپسوزلیق گویچلری نینگ ترورچیلیق بیلن گؤره ش اداراسی نینگ باشلیغی تورگوت آسلان، بیک میللت مجلیسی نینگ باشلیغی مصطفی شن توپ، بوسنیانینگ حالقلار مجلیسی نینگ باشلیغی بکر عزت بگوویچ، وزیرلر و شهیتلرینگ قارینداشلاری و غازی یارالیلار قاتناشدی.

أردوغان بو دابارادا ادن چیقیشیندا آغدارلیشیقچیلارینگ حووپسوزلیق بیناسینی نیشان تاحتاسینا اؤورِندیکلرینی، بوتین گیجه آغیر هوجوم ادندیکلرینی اِمما یؤریته حرکتچیلرینگ آغدارلیشیقچیلارا آغزی نینگ پایینی برندیگینی آیتدی.

تانکلار بیلن قابانیب، اوچار بیلن بمبالانان بینانینگ ییقیلاندیغینی آیدان أردوغان،

"ساقّالیمیزی سیردیلار اِمما سیریلان ساقّال اوزالقیدان دا گور چیقدی. بیز ده اولارینگ قولینی کسدیک. آنگسات یاغدایدا آیاغا قالمازلار" دیدی.

أردوغان "هیچ بیر گویچ آصلا 15-نجی ایول یالی باسیپ آلیجی ایش آلیپ بارماجاقدیر" دیدی.

تورکیأنینگ روسیادان آلان هووا قوراغ سیستمی اس- 400 لری یاتلادان أردوغان،

"آلیپ بیلمزلر دیدیلر، آلماغینگیز دوغری بولماز دیدیلر. شو گون 9-نجی اوچار گلدی. آپریل 2020-ده بو ایش تاماملانار. ماقصادیمیز روسیا بیله بیله لیکده اورتاق اؤنومه باشلاماق" دیدی.