پوتین: روسیا بیلن تۆرکیأنینگ تاغاللالاری حالقارا دورنوقلیلیغا قۇشانت قۇشیار

روسیانینگ دؤولت یۇلباشچیسی ولادیمیر پوتین روسیا بیلن تۆرکیأنینگ سوریه دأکی تاغاللالاری نینگ حالقارا دورنوقلیلیغا اولی قۇشانت قۇشیاندیغینی آیتدی.

پوتین کرملین ده روسیادا اؤز ایشینه باشلان ۱۸ یوردونگ ایلچیسینی قابول اتدی.

دابارادا تۆرکیأنینگ مسکوداقی ایلچیسی محمت سامسار دا پوتینا اینام حاطینی قۇوشوردی.

پوتین شۇل یرده آیدان سؤزلرینده روسیا- تۆرکیه قاتناشیقلاری بارادا چیقیش اتدی.

ایکی یوردونگ آراسینداقی قاتناشیقلارینگ استراتژیک یره گلندیگینی یاتلادان پوتین تۆرکیأنینگ جمهورباشلیغی رجب طیب أردۇغان بیلن ایزی گیدرلی یاغدایدا گنگه‌شیلیأندیگینی آیتدی.

پوتین آپریل آییندا مسکودا گچیریلن روسیا- تۆرکیه یۇقاری درجه لی حیذماتداشلیق گنگه شی نینگ ماصلاحاتینا اۆنس چکدی و

"آق قویی اتمی دِسگا و تۆرک آقیمی طبیغی گاز گچیریجی توربا یالی اولی پروژه لره دۇوام ادیلیأر. کؤپ سانلی اولی پروژه و اۇرتاق ایشلریمیز بار" دیدی.

روسیا بیلن تۆرکیأنینگ حالقارا دورنوقلیلیق اۆچین تاغاللا ادیأندیکلرینی آیدان پوتین،

"روسیا و تۆرکیأنینگ سوریه ده دورموشی عاداتی یاغدایا گتیرمه ک و پاراحاتچیلیق اتابینا باشلاتماق اۆچین بیله لیکده ادیأن تاغاللالاری حالقارا دورنوقلیلغینگ اولی أهمیتلی بیر بؤلِه‌گیدیر" دیدی.