أردۇغان: اوروپا بیله‌له‌شیگی‌نینگ ویزا شرطلری‌نینگ ۶۶-سینی برجای اتدیک

تۆرکیأنینگ جمهورباشلیغی رجب طیب أردۇغان اوروپا بیله له شیگی نینگ ویزا اولغامینی بس اتمه گی اۆچین ایسلأن ۷۲ شرطیندن ۶۶-سی نینگ برجای ادیلندیگینی آیتدی.

أردۇغان آنکارادا رفورم ایشجنگ تۇپاری نینگ ماصلاحاتیندا برن بیاناتیندا، تۆرکیأنینگ ۶۰ ییلدان بأری اوروپا بیله له شیگینه دۇلی آغضا بۇلماق اۆچین گؤره‌شیأندیگینی یاتلاتدی و اوروپا بیله له شیگی نینگ قورامالارینی اؤز پیدالاری اۆچین اربت یاغدایدا اولانیانلارا بۇیون اِگمه‌جِکدیگینی بیلدیردی.

اوروپا بیله له شیگی نینگ تۆرکیأ مأتأچلیگی نینگ تۆرکیأنینگ اوروپا بیله له شیگینه مأتأچلیگیندن یۇقاری بۇلاندیغینا اۆنس چکن أردۇغان،

"تۆرکیأنی اوروپا ماشغالاسیندان داشاری زینگماغا سینانشانلارا قارشی یۇلومیزا توتان یرلی یاغدایدا دۇوام ادیأریس. تۆرکیأنینگ دۇلی آغضاسی بۇلمایان اوروپا بیله له شیگی نینگ قورلوشیق اساسلارینا ترس بۇلاندیغی بِللیدیر" دیدی.

تۆرکیأنینگ ویزاسیز سیاحات اۆچین ایسله نِن ۷۲ شرطدن ۶۶-سینی یرینه یتیرندیگینی آیدان تۆرکیأنینگ جمهورباشلیغی،

"قالان ۶ شرط بیلن باغلانشیقلی ادیلمه لی ایشلری اینگ قیسغا زاماندا آلیپ باراریس. اۇندان سۇنگرا اۇلارینگ نأدرجه سؤزۆنده دوریاندیغینی گؤرِریس" دیدی.

رایاتلارینگ اساسی حاق حقوقلاری و آزاتلیقلاری نینگ اؤسدۆریلمه گی نینگ اینگ اساسی ماقصاتلاری نینگ آراسیندا بۇلاندیغینی یاتلادان أردۇغان،

"شو مسئله بارادا أدیلمه گی ضرور أدیملری آدینی کپنهاگ دأل آنکارا شرطلری دییپ أدِریس" دیدی.

أردۇغان تۆرکیأنینگ هلسینکی ده رسمی یاغدایدا دالاشگأر ادیلشیگی نینگ ۲۰-نجی ییلیندا "هلسینکی نینگ روحینی" یانگاداندان دیره لتجِه‌ک ایشلر اۆچین تاغاللا ادیلمه لیدیگینی آیتدی.