أردۇغان پوتین بیلن دوشوشدی

تۆرکیأنینگ جمهورباشلیغی رجب طیب أردۇغان بیلن روسیانینگ جمهورباشلیغی ولادیمیر پوتین دوشوشیق گچیردی.

تۆرکیه- روسیا یۇقاری درجه لی استراتژیک حیذماتداشلیق گنگه شی نینگ ۸-نجی ماصلاحاتینی گچیرمه‌ک اۆچین مسکو باران تۆرکیأنینگ جمهورباشلیغی رجب طیب أردۇغان روسیانینگ دؤولت یۇلباشچیسی ولادیمیر پوتین بیلن کرملین کؤشگۆنده دوشوشدی.

أردۇغان دوشوشیقدان اۇزال برن بیاناتیندا روسیا بیلن ایلایتا دا سوریه ده ادیلن ایشلرینگ اولی أهمیتلی بۇلاندیغینی آیتدی.

أردۇغان،

"بیله کی أهمیتلی مسئله ده ترورچیلیغا قارشی حرکتده بیله لیکده أدیلجک أدیم" دیدی.

دوشوشیقدا ایکی یوردونگ آراسیندا بیرنأچه ایلالاشیق شرطناماسینا قۇل چکیشیلجکدیگینی یاتلادان أردۇغان، ایکی یوردونگ آراسینداقی سؤودا موقداری نینگ ۱۵ گؤتریم یۇقارلاندیغینی و سؤودا موقدارینی ۱۰۰ میلیارد دلارا یتیرمه ک ایسله یأندیکلرینی بیلدیردی.

روسیانینگ دؤولت یۇلباشچیسی پوتین دا تۆرکیه بیلن اؤزآرا قاتناشیقلاری نینگ ایلایتا دا ایقدیصادیه ت پوداغیندا اؤسدۆریلمه گینه حۇشاللیق بیلدیریأندیگینی نیغتادی.

تۆرکیه بیلن روسیانینگ آراسینداقی سؤودا موقداری نینگ ۳۵ میلیارد دلارا یتندیگینی آیدان پوتین،

"حالقارا قاتناشیقلاردا و گلوبال مسئله لرده تۆرکیه بیلن اولی حیذماتداشلیغیمیز بار. دیدی.

ایکی یۇلباشچی تۆرکیه- روسیا یۇقاری درجه لی استراتژیک حیذماتداشلیق گنگه شی نینگ ۸-نجی ماصلاحاتینا دا باش توتانلیق اتدی.