تارانتیسم؟

استرالیالی آق یاغیزچی برنتون تارانت ینگ تأزه زلانددا ادن ترورچیلیقلی هۆجۆمینده ۵۰ مسلمان آرادان چیقدی. بو هۆجۆمدن سۇنگرا ترورچیلیغی بیر یۇل- یۇردام حؤکمۆنده اولانان اتنیک پاراز و آشاساغچیلارینگ نأحیللی تانالمالیدیغی بارادا گپ گۆررۆنگ دؤره دی. شو واغت یایبانگ یاغدایدا امونگا "اسلاموفوبیک ترور" و "اسلاما قارشیداشلیق/ دوشمانلیق" و "آنتی اسلامیسم" دییأرلر.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایارسینگیز

آنتی سمیتیزم- آنتی اسلامیسم

۲۰-نجی عاصیردا گۆن باتاردا بۇلان یهودیلره قارشی ییگرِنمه‌ک و یهودیلره قارشی ادیلن انسانلیغا تِرس بۇلان ایشلر، عمومی یاغدایدا آنتی سمیتیزم دییپ آدلاندیریلدی. شونگا مِنگزِش بیر یاغدای دا مسلمانلارا قارشی گۆن سایین یۇقارلایار و اۇلارا قارشی باسیش و ترور آنتی اسلامیزم، اسلاما قارشی دوشمانلیق یالی سؤزلر بیلن آدلاندیریلدی.

شونونگ بیلن بیله لیکده شیله آدلاندیرمالار، مسئلأنینگ اساسی چشمه سی بۇلان پیکری آنگلاتمایار. مسئله عمومان مسلمانلار اۆستی بیلن آنگلادیلیار، مسئلأنینگ چشمه سینه و شۇنونگ ذهنینه دیققات اتمه یأر.

فاشیسم، نازیسم و صهیونیسم

بیزینگ ایسله یأن کلیمأمیز آصلیندا اؤرأن تأزه و هممه حالق اۇنی بیلمه یأر. مونونگ اۆستی اتنیک پارازلیق. اِمما شو واغتقی یاغدایدا دینگه اتنیک پارازلیق دیمه ک آز قالیار. شو واغتقی یاغدای اؤز اتنیگینی سؤیمه ک، اۇنونگ اۆچین تاغاللا اتمه ک، اۇنی اؤنگده دوروزماق دأل ایسه م موندان بتر، بیله کی اتنیکلری یۇق اتمه ک یالی بیر زات. شونونگ اۆچین ایزی گیدرلی یاغدایدا اوروپادا متجیتلر و حالقینگ اؤیلری یاقیلیار، هر حیلی ترورچیلیقلی هۆجۆم قورالیار. شونگا منگزش یاغدایلار اۆچین اولانیلان هر حیلی کلیمه بار. فاشیسم بیر حیللی دؤولتلرینگ اتنیک پارازلیقلاری حؤکمۆنده گؤرۆلیپ بیلر. نازیسم بۇلسا دؤولتی ده اؤزلری اۆچین بیر یۇل حؤکمۆنده گؤرن آلمانلارینگ اۆستۆنلیکلرینه اساسلانیان میللت اتنیک پارازلیغی. صهیبونیسم بۇلسا هم میللت هم اؤز دینینی اۆستۆن گؤرمه ک. صهیونیسم تئودور هرتزل تاراپیندان اؤسدۆریلدی. بو پیکیر یهودیلرینگ سایلانان میللت بۇلاندیغینی، تانگری نینگ تۆرکیأنینگ ده بیر بؤله گی باشدا بۇلماق بیلن بِللی تۇپراقلاری ارض موعود دییپ اؤزلرینه برندیگینی شونونگ اۆچین بو تۇپراقلاری اله گچیرمه ک اۆچین هر حیلی یۇل اۇلارینگ گؤزۆنده مشروع. بو سیاس ایدئولوژیک بیر پیکیردیر. روژه گارودی نینگ پیکرینه گؤرأ، بو اتنیکی و استعماری بیر ایدئولوژیدیر. اایسرائیل ینگ بیرلشن میللتلر قوراماسی نینگ قارارلارینی، حالقارا حقوغی، انسان حاقلارینی و اساسی آزاتلیقلارینی پوچ حؤکمۆنده گؤرۆپ فلسزینلیلره ادنلری کؤپ سانلی عالیم و انسان حاقلاری اکتیویسیتی تاراپیندان هیتلرینگ یهودیلره ادن ایشلرینه منگزه دیلیأر. هیچ شک یۇق کی بۆتین یهودیلر صهیونیسم ینگ تاراپداری دأل. صهیونیسمی دۇلولیغینا رِت ادن، یهودیلرینگ بیر دؤولت قورماغینی دینلرینه ترس گؤرِن و شونونگ اۆچین ایسرائیل یوردونی تانامایان ارتدکس یهودیلر ده بار.

آق‌یاغیزچیلیق؟ واسیزم؟ تارانتیزم؟

فاشیسمدا دؤولت اتنیک پارازلیغی، نازیسم دا میللت اتنیک پارازلیغی، صهیونیسم ده بۇلسا دین اتنیک پارازلیغی بار دیه ن بۇلساق، بیزینگ أتیأجیمیز بۇلان کلیمه اساسایندا رنک پارازلیقدیر. آق یاغیزلارینگ اۆستۆنلیگی (White Supremacy) ترورچیلیغینگ بیر یانی حؤکمۆنده، آق یاغیزپارازلیغینگ یترلیکلی بیر کلیمه بۇلماندیغینی گؤرکِزیأر. چۆنکی بۇلان یاغدایدا آق یاغیزچیلیق بیر اینانچ بۇلماق دأل، بو بیر ترورچیلیغا اؤورۆلِندیر.

عمومی یاغدایدا قاراساق، اساسی حاق و ارکینلیکلری، سؤز آزاتلیغی، یاشاماق حاقینی هیچ ادیأن، ترورچیلیغی بیر یۇل حؤکمۆنده اولانان آق یاغیزچیلیق یا دا آشاساغ ترورچیلیق اۆچین تأزه بیر کلیمه گِره‌کلیدیر. اؤندۆریلجک بیر سؤز، اؤلِنلری اۇرتا آلان دأل، قاتیللارینگ ذهن دۆنیأسینی آنگلادیان و محکوم ادیأن بیر سؤز بۇلمالیدیر. یاغنی فاشیسم، نازیسم و صهیونیسمی یاتلادان و اۇلار بیلن بیله لیکده محکوم ادن یاغدایدا آق یاغیزچیلیغا اساسلانان اِمما بۆتین آق یاغیزلاری محکوم اتمه جک بیر سؤز گره کلی.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقادینگیز