أردۇغان: استقلال مارشی جبیسلیگینگ سمبولیدیر
تۆرکیأنینگ جمهورباشلیغی، میللی موقام ینگ قابول ادیلشی نینگ ۹۸-نجی ییلینی قوتلادی
تۆرکیأنینگ جمهورباشلیغی رجب طیب أردۇغان استقلال موقامی نینگ (تۆرکیأنینگ میللی مارشی نینگ) یوردونگ آیاقدا قالماق باراسینداقی گؤرهشینه ایه بۇلماق باراداقی روحی، جبیسلیگی و بیله لیکدن گلن گۆیجی شو گۆنه چنلی قۇران بیر متین دییپ حأصیهتلدیردی.
أردۇغان ۱۲-نجی مارت استقلال مارشی نینگ قابول ادیلشی و محمت عاکیف أرسۇی –ی یاتلاما گۆنی سبأپلی یازماچا بیانات بردی.
أردۇغان بیاناتیندا، قاراشسیزلیغینگ، گلجگینگ، میللتینگ ایغتیارینینگ سمبولی، قورتولوش ساواشی نینگ مانیفستی بۇلان و واطان تۇپراقلاری نینگ هر قارشیندا اشغالا قارشی ساواش بریلن بیر دؤورۆنده یازیلان استقلال مارشی نینگ اۇرتاق سس، ویجدان و اینگ قیممات باهالی اۇرتاق دگأر بۇلاندیغینا اۆنس چکدی.
أردۇغان،
"واطانیمیزینگ اولی شاهیری محمت عاکیف أرسۇی یینگ مصراعلاریندا اینگ قۇوی یاغدایدا بِللی ادیلن قازانچلاریمیز، میللی و معنوی دگأرلریمیز، ایده آللاریمیز، شو گۆنکی یوردومیزا قورالان هر تهدیتده اؤزۆنی گؤرکِزن میللی ایلالاشیغینگ اساسی و دۆیبیدیر. عزیز میللتیمیز اۆچین قاراشسیزلیق بیان ناماسی بۇلان استقلال مارشیمیز، یوردومیزینگ آیاقدا دورماغی اۆچین گرکلی بۇلان روحی، جبیسلیگی و بیله لیکده بۇلماقدان دۇغان گۆیجی شو گۆنکی گۆنۆمیزه یتیرن بیر متیندیر" دیدی.
دِگیشلی حابارلار
داشاری ایشلر وزیرلیگی ۱۹۱۵ ییلینداقی واقالار بیلن باغلانشیقلی بیانات بردی
تۆرکیأنینگ داشاری ایشلر وزیرلیگی مسئله بیلن باغلانشیقلی یازماچا بیانات بردی