أردۇغان بیلن ترامپ تلفن آرقالی گۆررۆنگ اتدی
ترامپ- أردۇغان اؤزآرا قاتناشیقلار و سوریه مسئله سی بارادا گِنگِهشدی
تۆرکیأنینگ جمهورباشلیغی رجب طیب أردۇغان آمریکانینگ جمهورباشلیغی دونالد ترامپ بیلن تلفن آرقالی صؤحبِتدِشلیک گچیردی.
جمهورباشلیغینگ دیوانیندان آلینان ماغلوماتا گؤرأ تلفن گۆررۆنگدِشلیگینده اؤزآرا قاتناشیقلار بیلن بیرلیکده سوریه ده باشدان گچیریلن سۇنگقی واقالار بارادا دا پیکیر آلیشیلدی.
تلفن آرقالی صؤحبِتدشلیکده گچن هپده منبج ده قورالان پاجیغالی ترور هۆجۆملرینده ییتیریم بۇلان آمریکالی قوللوقچیلار اۆچین دویغوداشلیق بیلدیرن أردۇغان، غوصصالی واقانینگ آمریکانینگ سوریه دن قشون چکمه ک باراداقی قارارینا تأثیر یتیرمه ک بیلن باغلی مِچِو برمهدیگینی آیتدی.
رجب طیب اردوغان تۆرکیأنینگ منبج شأهِرینده حۇوپسوزلیغا واغت ییتیرمأن اؤز اۆستۆنه قابول ادیپ آلماغا طایاردیغینی، آشاچی ترور قوراماسی پ. ک. ک نینگ و اۇنونگ سوریه دأکی یارانلاری نینگ سوریأنینگ دمیرقازیغینی دورنوقسیزلاشدیرماق اوغرونداقی ایشلرینه یۇل بریلمهجِکدیگینی نیغتادی.
یۇلباشچیلار ترور قوراماسی داعش ینگ سوریه دأکی قالیندیلارینی یۇق اتمهک و قایتادان یۆزه چیقماغی نینگ اؤنگۆنی آلیجی چأره لری بیله لیکده گؤرمهک بۇیونچا ایلالاشدیلار.
پرزیدنت أردۇغان و ترامپ حۇوپسوزلیق زۇلاق بۇیونچا تۆرکیه بیلن آمریکانینگ قشون باشلیقلاری نینگ آراسیندا باشلان گنگه شمه لرینگ دپگینینی گۆیچله ندیرمه ک و اؤزآرا سؤودا مۆقداری نینگ آرتدیریلماغی بارادا ایلالاشدی.
دِگیشلی حابارلار
داشاری ایشلر وزیرلیگی ۱۹۱۵ ییلینداقی واقالار بیلن باغلانشیقلی بیانات بردی
تۆرکیأنینگ داشاری ایشلر وزیرلیگی مسئله بیلن باغلانشیقلی یازماچا بیانات بردی