ابراهیم قالین: سوریه دأکی حۇوپسوز بؤلگأنینگ دۇلناشیغی تۆرکیأ بریلر

تۆرکیأنینگ جمهورباشلیغی نینگ مطبوغات گنگه شچیسی ابراهیم قالین سوریأنینگ سرحدینده قورالجاق حۇوپسوز (امن) بؤلگأنینگ تۆرکیه تاراپیندان کنترل ادیلجکدیگینی آیتدی.

قالین جمهورباشلیق کؤشگۆنده وزیرلر کابینه سی نینگ ماصلاحاتی باراسیندا بیانات بردی.

آمریکانینگ سوریه دن عسگرلرینی ایزینا قایتارماغی بارادا دۇلولیغینا گنگه شیلندیگینی آیدان قالین،

"ترورچیلیق بیلن گؤره ش و تۆرکیأنی هدپ توتیان ترور قورامالار بیلن گؤره ش دۇلولیغینا دۇوام ادر" دیدی.

ابراهیم قالین، تۆرکیأنینگ یومشاق و قاتی گۆیجۆنینگ سیاسات و دیپلماسی نینگ بۆتین مۆمکینچیلیکلرینی اولانیپ هم مذاکره ده هم ده بؤلگه ده دۇوام اتجکدیگینی بیلدیردی.

تۆرکیأنینگ جمهورباشلیغی رجب طیب أردۇغان ینگ ۲۳-نجی یانواردا روسیانینگ پایتاغتی مسکودا ساپاردا بۇلجاقدیغینی آیدان قالین،

"ایلایتا دا آمریکانینگ سوریه دن چیقماغیندان سۇگرا روسیا بیلن بیله لیکده حرکت اتمه گی ماقصات ادیأریس. بو ساپاردا هم سوریه هم ده اؤزآرا قاتناشیقلار بارادا دۇلولیغینا گنگه شیلر" دیدی.