ت. ر. ت ورلد حالقارا درجه سینده یاقیندان تانالیار

تۆرکیأنینگ رادیو و تلویزیون قوراماسی ت. ر. ت نینگ باش مۆدیری ابراهیم ارن ت. ر. ت ورلد فورومدا دۆنیأده گچیریلیأن چاقنیشیقلارینگ دوروزیلماغی اۆچین اؤنگین نتیجه برمه گینی اومیت ادیأندیگینی آیتدی.

ابراهیم ارن "بؤلِکلره بؤلۆنِن دۆنیأده پاراحاتچیلیغی و حۇوپسوزلیغی یانگاداندان دیکه‌لتمه‌ک" تِماسی بیلن ایستامبول دا گچیریلیأن ت. ر. ت ورلد فورومینگ آچیلیش داباراسیندا ادن چیقیشیندا ت. ر. ت حؤکمۆنده دورموشا گچیرن اساسی تاسلامالاریندان بیری بۇلان ت. ر. ت ورلد فورومینگ ایکینجیسینی گچیرمه کدن حۇشالدیقلارینی بِلله دی.

حالقارا درجه سینده دورنوقسیزلیغینگ باشدان گچیریلیأن دؤورۆنده قینچیلیقلاری آرا آلیپ ماصلاحاتلاشماغینگ و چؤزگۆت تاپماغینگ اؤرأن أهمیتلیدیگینی آیدان ارن، ت. ر. ت ورلد فورومیندا یاشایان عاصیریمیزینگ نأبِللیلیکلرینه اۆنسی چکیپ گلجگی آرا آلیپ ماصلاحاتلاشاندیقلارینی یاتلاتدی.

مۆنگلرچه آدامینگ اؤلمه گینه سبأپ بۇلان سوریه و یمن دأکی یالی ایچرکی اورشلارینگ بۆتین دۆنیأ یاراماز تأثیرینی یتیرمأگه دۇوام ادِندیگی آیدان ارن "شۇل ساواشلار سبأپلی میلیونلارچا آدام دیسه‌نگ آغیر شرطلرده باشغا یورتلاردا یاشایار. اۇلارینگ بیر بؤله گی تۆرکیه ده یاشایان بۇسغونلار یالی شانسلی دأل" دیدی.

بیرلشن میللتر قوراماسی تاراپیندان اتنیکی آراسساچیلیق حؤکمۆنده قابول ادیلن روهینگیا مسلمانلارینا ادیلیأن ظلمینگ دۇوام ادیأندیگینی آیدان ارن، فلسطینلیلرینگ دورموش شرطلری نینگ هم گۆن سایین آغیرلاشیاندیغینی آیتدی.

ت. ر. ت ورلد فورومینگ قینچیلیقلاری آرا آلیبپ ماصلاحاتلاشماق و تأزه چؤزگۆت تکلیپلرینی هؤدۆرله‌مه‌ک ماقصادی بیلن گچیریلیأندیگینی آیدان ارن ت. ر. ت نینگ اساسان ت. ر. ت ورلد، ت. ر. ت عاراپ، ت. ر. ت کۆردی و ت. ر. ت آواز یالی کاناللاری بیلن حالقارا درجه سینده یاقیندان تانالیاندیغینی نیغتادی.