أردوغان: میللتیمیز ملازگرد ینگیشیندن ایلهام آلیار

تۆرکیأنینگ جمهورباشلیغی رجب طیب أردوغان 1071-نجی ییلینگ 26-نجی آگوستینداقی ملازگرد ینگیشی نینگ ییللیغی و ینگیش هپده لیگی بارادا بیانات چاپ اتدی.

أردوُغان ملازگرد ینگیشیندن ایلهام آلیان حالقینگ ایچردن و داشاردان قورالیان بۆتین هۆجۆملره قارامازدان میللتینگ 1000 ییلدان بأری بو یورتدا بارلیغینا دووام اتدیریأندیگینی آیتدی.

آناتولی نینگ ابدی واطان بولماغینی اۆپجۆن ادن ملازگرد ینگیشی نینگ قاراشسیزلیق ساواشی نینگ مؤهۆم بیر دؤوری بولان اولی هۆجۆمینگ ینگیش بیلن نتیجه له‌نِن آگوست آیی نینگ سونگقی هپده سی نینگ  بویسانچلی یاغدایدا "ینگیش هپده لیگی حؤکمۆنده بلله نیلیپ گچیلیأندیگینی" آیدان أردوُغان "عزیز حالقیمیزینگ ملازگردده 1071-نجی ییلدا باشلادان شانلی یؤریشی، أهلی قینچیلیقلارا قارامازدان قازانیلان ینگیشدن سونگ جمهوریتینگ قورولماغی بیلن چارپایا گلدی. 30-نجی آگوست دا یا قاراشسیزلیق یا اؤلۆم شیغاری بیلن آیاغا قالان بو میللتینگ نأمه لرینگ عهده سیندن گلیپ بیلجکدیگی قاراشسیزلیغی و مرتبه سی اۆچین جانینی پیدا ادیپ بیلجکدیگی بۆتین دۆنیأ ایغلان ادیلدی" دیدی.

أردوغان یۆزلنمه سینده هیچ کیمینگ تۆرکیأنینگ 2023، 2053 و 2071 ییللار اۆچین کِسگیتلأن ماقصادینا یتمه گینی بؤکدأپ بیلمه جکدیگینی نیغتادی.

رجب طیب اردوغا 2016-نجی ییلینگ 15-نجی ایولینداقی آغدارلیشیغا سینانشیغینا قارشی گؤره شده هم ملازگرد روحی نینگ اؤزۆنی گؤرکِزندیگینی آیتدی.

أردوغان یۆزلنمه سینده جبیسلیگه و بیتولیگه اۆنسی چکدی.