تۆرکیأنینگ گۆن ترتیبی ۳۱: ترامپ بیلن پوتین ینگ دوشوشیغی بارادا
جان آجون؛ سیاسات، ایقدیصادیهت و جمغیت غازناسی- ستا
سیاسات، ایقدیصادیهت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز:
آمریکانینگ جمهورباشلیغی دونالد ترامپ و روسیانینگ دؤولت یۇلباشچیسی ولادیمیر پوتین ینگ هلسینکی ده گچیرن ماصلاحاتی بیرنأچه جهتدن مؤهۆمدی.
ایکی یوردونگ آراسینداقی قاتناشیقلار سۇنگقی دؤوۆرده دیسهنگ دارتغینلاشیپدی. پوتین ینگ و ترامپ ینگ گچیرن دوشوشیغی نینگ اساسی اوغورلاری اتمی یاراغسیزلانما، روسیانینگ آمریکان سایلاولارینا قۇشولیشماغی، انرژی سیاساتی، سوریه و حیتای مسئله سیندن عیبارات بۇلدی.
تاریحی تایدان شوروی بیلن آمریکانینگ آراسینداقی دارتغینلیغینگ مؤوجأن دؤوۆرلرینده ایکی یوردونگ گپله شیکلرینه فنلاند بی تارا پیر حؤکمۆنده سایلانیپ آلینیاردی. ترامپ بیلن پوتین شۇل بیر دأبه لاییقلیقدا گپله شیکلرینی فنلانددا گچیردی. فنلاند ین گیر ایه چیلیگینده گچیریلن دوشوشیق دینگه بیر اؤزآرا قاتناشیقلاری اۆچین دأل، بۆتین دۆنیأ اۆچین اولی أهمیته ایهدی.
کؤپ سانلی مطبوغات وکیلی نینگ قیزیقلانما گؤرکِزن دوشوشیقلاریندان سۇنگ ایکی یوردونگ یۇلباشچیسی مطبوغاتا بیانات بردی. ترامپ ینگ مطبوغات بیاناتینداقی چمهلِشمهسی و چیقیشی آمریکان مطبوغاتی هم ده سیاساتچیلاری تاراپیندان برک تانقیت ادیلدی. آمریکانینگ جمهورباشلیغی دونالد ترامپ ینگ روسیانینگ آمریکاداقی سایلاولارا قۇشولیشماغی باراداقی سۇراغا، ترامپ ینگ روسیانینگ جمهورباشلیغی پوتین ینگ یانیندا آمریکان ادارالارینی تانقیت ادیپ روسیانینگ بیاناتلارینا اینانیاندیغی باراداقی سؤزلری اولی قارشیلیق دؤرهتدی. دونالد ترامپ سۇنگ هلسینکی دأکی بیاناتیندا Wouldn’t دیمهگینگ یرینه یالنگیشلیق بیلن woulg دیهندیگی و شیله لیکده باشغا معنی آنگلادیان بیانات برندیگینی نیغتاپ هلسینکی دأکی سؤزلرینی دۆزِلتدی.
نأحیللی بۇلاندا دا آمریکان جمغیتچیلیگی نینگ قارشیدیغی ترامپ بیلن پوتین ینگ دوشوشیغینی ایکینجی پلانا ایتِن هم بۇلسا ایکی یورت حالقارا درجه سینده ژئوسیاسی أهمیتلی مسئله لر بارادا گنگهشدیلر. اینگ بیر اساسی مسئله ایکی یوردونگ حیتای بارادا گچیرن گپله شیکلریدی دیسهک یالنگیشماریس. آمریکانینگ حیتایدا اؤندۆریلیأن اؤنۆملره قارشی ایقدیصادی ساواش حأصیهتینده جزا سالغیدینی قۇیماق باراداقی قاراری، آمریکا بیلن حیتای یینگ آرانسیدا اولی دارتغینلیغا سبأپ بۇلوپدی. هلسینکی دأکی دوشوشیقدا آمریکا بیلن روسیانینگ آراسیندا حیتایا قارشی حیذماتداشلیق اۆچین ایلکینجی اؤزآرا پیکیر آلیشما بۇلدی. اِمما روسیانینگ و آمریکانینگ حیتایا قارشی حیذماتداشلیق دؤرتمهکدن دیسهنگ داشدا دوریاندیغی و شیله حیذماتداشلیغینگ یاقین گؤرۆنیأندیگینی آیتساق یالنگیشماریس.
هلسینکی دأکی بیله کی بیر مؤهۆم مسئله بۇلسا سوریه دی. آمریکا و روسیا اساسا ندا گۆن اۇرتا سوریه دأکی واقالار بارادا پیکیر آلیشیپ، اسرائیل ینگ حۇوپسوزلیغی، ایران ینگ گۆن اۇرتا سوریه دأکی گۆیچلری بارادا ماصلاحات اتدیلر. ولادیمیر پوتین اسرائیل بیلن سوریأنینگ حؤکۆمتی نینگ آراسیندا ۱۹۷۴-نجی ییلداقی شرطناما لاییقلیقدا ایلالاشیق قازانیلماغی نینگ مۆمکیندیگینی اؤنگه سۆردی. آمریکانینگ جمهورباشلیغی دونالد ترامپ بۇلسا آمریکانینگ ایران ینگ سوریه دأکی گۆیچلری نینگ قالماغینی قابول اتمهجِکدیگینی نیغتادی. اِمما ترامپ ایرانا قارشی سوریه ده نأحیللی گؤچۆملر اتجکدیگی بارادا دیل یارمادی.
ایکی یوردونگ یۇلباشچیلاری نینگ آراسیندا گچیریلن دوشوشیق ناتونینگ ماصلاحاتی نینگ ایزی یانیندان قورالیپدی. ناتونینگ ماصلاحاتلاریندا آلمانیانینگ دمیرقازیق آقیمی تاسلاماسی سبأپلی روسیا قاراشلی بۇلاندیغینی بیان ادن آمریکانینگ جمهورباشلیغی ترامپ، هلسینکی دأکی مطبوغات بیاناتیندا بو مسئله دأکی قارارینگ آلمانیا دگیشلیدیگینی آیتدی. روسیاینگ جمهورباشلیغی پوتین بۇلسا حالق کؤپچۆلیکلیگی نینگ اؤنگۆنده آمریکا حالقارا بازارلارینداقی گازینگ باهاسینی بیله لیکده کِسگیتلهمِک اۆچین تکلیبینی ینه ده بیر گِزِک گۆن ترتیبینه گتیردی. شیله لیکده روسیانینگ ایقدیصادیهتی گاز داشاساتووینا قاراشلی بۇلاندیغی اۆچین حالقارا بازارلارداقی انرژی نرخینی گؤنۆدن روسیانینگ ایقدیصادیه تینه تأثیر یتیریأر.
هلسینکی دوشوشیغی نینگ اساسی اوغورلاریندان بیری هم اتمی یاراغ مسئله سیدی. آمریکا بیلن روسیا دۆنیأدأکی أهلی اتمی یاراغلارینگ ۹۰ گؤتریمینه ایه. ایکی یوردونگ یۇلباشچیلاری نینگ دوشوشیغیندا دۆنیأدأکی اتمی یاراغلارینگ موقدارینی آزالتماق اۆچین آمریکا بیلن روسیانینگ آراسیندا بار بۇلان ایلالاشیغینگ دۇوام اتدیریلمه گی بارادا ایلالاشیلدی.
هلسینکی دوشوشیغی روسیا بیلن آمریکانینگ آراسینداقی دارتغینلیغا سبأپ بۇلیان مسئله لر اساسان چؤزۆلمهدیک هم بۇلسا، ایکی یوردونگ یۇلباشچیلاری نینگ بی تاراپ زۇلاقدا دوشوشماغی و کؤپ سانلی مسئله ده پیکیر آلیشماغی ایکی یوردونگ آراسینداقی قاتناشیقلارینگ آز دا کأن ده بۇلسا قادالاشماغینا سبأپ بۇلدی.
سیاسات، ایقدیصادیهت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقادینگیز.
دِگیشلی حابارلار
أردوُغان قازاغیستان ینگ باش وزیرینی قابول اتدی
تۆرکیأنینگ جمهورباشلیغی رجب طیب أردوُغان قازاغیستان ینگ باش وزیری اولجاس بکتنوف بیلن دوشوشدی
الیسا فریرا: تۆرکیه بیلن اوروپا بیله له شیگی نینگ قاتناشیقلاری یوُقارلامالیدیر
الیسا فریرا غازی آنتپ ولایاتی نینگ حأکیمی کمال چبر و شهر حأکیمی فاطما شاهین بیلن دوشوشدی